Loading...
३१ साउन, काठमाडौं ।
विश्व क्रिकेट लिग डिभिजन च्याम्पियनसीप अन्तर्गत नेदरल्याण्ड्स विरुद्धको दोस्रो खेलमा नेपाल १९ रनले विजयी भएको छ।
५० ओभरमा ९ विकेट गुमाएर नेपालले दिएको २ सय १८ रनको लक्ष्य पछ्याएको नेदरल्याण्डस्ले ४८.३ ओभर खेल्दै १० विकेटको क्षतिमा मात्र १९८ रन जोड्न सक्यो।
टस हारेर पहिला ब्याटिङमा तानिएको नेपालले आज लक्ष्य अनुरुपकै प्रदर्शन गर्यो । शनिबारको पहिलो खेलमा पहिलो बलमै आउट भएका कप्तान पारस खड्काले आज उत्कृष्ट प्रदर्शन गरे । लिस्ट ए म्याचमा पाचौं अर्धशतक पूरा गरेका पारस शतक बनाउन १६ रनले चुके । अर्धशतक पूरा गरेपछि आक्रामक ब्याटिङ गरेका पारस क्याच आउट हुन पुगे । ९४ बल खेलेका पारसले ७ चौका र १ छक्काको मद्दतमा ८४ रन जोडे । पारसलाई साथ दिएका सागर पुनले ४५ रन जोडे ।
ओपनर ज्ञानेन्द्र मल्ल ३९ रनमा पभेलियन फर्किए । ५२ बल सामना गरेका उनले एक छक्का र एक चौका हिर्काए । २ छक्का हानेका बिनोद भण्डारीले १४ बलमा १७ रन जोडे । शरद भेषावकर ६, ओपनर अनिल मण्डल र बसन्त रेग्मी ४/४ र सोमपाल कामीले २ रन जोडे भने राजु रिजाल बिना रन पभेलियन फर्किए ।
नेपालको लागि कप्तान पारस खड्का, सोमपाल कामी र बसन्त रेग्मीले २-२ विकेट लिए। शक्ति गौचन, सन्दिप लामिछाने र सागर पुनले १-१ विकेटको योगदान दिए।
म्याचको डिटेल हेर्नुस् (espncricinfo बाट)
Loading...
Social Buttons