Loading...
काठमाडौं : नेपाल विद्यार्थी संघका कार्यकर्ताहरुले कांग्रेस नेता एंव गृहमन्त्री विमलेन्द्र निधिको तस्बिर कांग्रेस मुख्यालयमै जलाएका छन् । उनीहरुले गृह मन्त्रालयको दुरुपयोग गरेर नेपाल विद्यार्थी संघका नेता तथा कार्यकर्ता विरुद्ध प्रहरी परिचालन गरेर आक्रमण गर्न लगाएको भन्दै निधि विरुद्ध चर्को नाराबाजी गरेका हुन् । उनीहरुले निधिलाई भारतीय दलाल समेत भनेका छन् ।
सोमबार कडा सुरक्षा घेराबीच निर्वाचन समितिले नेपाली काँग्रेसको मुख्यालयमा उम्मेद्वारी मनोनयन गराइरहँदा नेता रामचन्द्र पौडेल पक्षधर विद्यार्थीहरुले निधिको तस्बिर चलाएका हुन् । उनीहरुले निधिलाई देश छोड्न चेतावनी समेत दिएका थिए । आइतबार प्रहरीले नेविसंघका पौडल निकट कार्यकर्ताहरुमाथि हस्तक्षेप गरेपछि विद्यार्थीहरु आक्रोशित भएका हुन् । आइतबार भएको झडपमा पौडेल निकट विद्यार्थीहरु घाइते भएका थिए ।
अन्तत सहमित
यसैबिच नेविसंघको विवाद मिलेको छ । प्रतिनिधि विवादलाई लिएर सभापति शेरवहादुर देउवाको संस्थापन पक्ष र बरिष्ठ नेता रामचन्द्र पौडेल पक्षबीच विवाद चर्कदै आएको थियो । सभापति देउवा र पौडेलबीच सोमबार छलफलपछि सहमति बनेको बताइएको छ । दुई नेताबीच भएको छलफलका आधारमा पूर्व महामन्त्री कृष्णप्रसाद सिटौला र नेविसंघका पूर्व अध्यक्ष महेन्द्र शर्माले भागबण्डाका आधारमा पाएका प्रतिनिधिलाई उपत्यका बाहिरबाट समेत प्रतिनिधित्व गराउने गरी समझदारी बनेको हो ।
विधिव्त महाधिवेशन गराउनुपर्ने माग राख्दै आमरण अनशन बसेका सिटौला पक्षीय विद्यार्थी समूहले २ सय १५ र महेन्द्र शर्मा पक्षले १ सय १० प्रतिनिधि पाएको थियो । त्यसरी पाएका प्रतिनिधि गैर विद्यार्थी रहेका र सवैजसो उपत्यकाबाट प्रतिनिधित्व भएको भन्दै पौडेल पक्षीय विद्यार्थी समूहले आपत्ति जनाउँदै आएको थियो ।
सभापति देउवाले सहमतिमा नआएपनि निर्वाचनबाटै नेतृत्व चयन गर्ने प्रकृया अघि बढाएपछि पौडेल पक्ष लचिलो बन्दै सहमतिमा आएको हो । पौडेल पक्षले आफ्नो टिमको प्यानल बनाउन समय लाग्ने भएकाले मंगलबारसम्म मनोनयनको समय माग गरेको छ । दुवै पक्षलाई निर्वाचनमा सहभागि गराउन मंगलबारसम्मको समय थप गर्ने तयारी भएको निर्वाचन समितिका एक सदस्यले बताए ।
विहान ११ बजेसम्मका लागि तोकिएको मनोनयनको समय पटक(पटक थप गर्दै सांझ ६ बजेसम्म पुर्याईएकोमा पछि देउवा र पौडेलबीचको सहमतिले त्यसलाई मंगलबार बिहान ८ सम्मलाई तोकिएको छ ।
Loading...
Social Buttons