Loading...
काठमाण्डु, २७ जेठ– भारतीय प्रधानमन्त्री नरेन्द्र मोदी स्विट्जरल्याण्ड हुँदै अमेरिका पुगेपछि नेपाली राजनीतिज्ञ तथा कूटनीतिज्ञहरुको एउटै मुख्य चासो थियो– मोदीले बेलायत, ब्रसेल्समा जस्तै नेपालबारे अमेरिकासँग मिलेर मिलेर टिप्पणी गर्ने हुन् कि ? तर, यसपटक त्यस्तो हुन पाएन । मोदी भ्रमणलाई नियाल्दै आएका नेपाली सबैलाई दुई मुलुकबीच जारी ५० बुँदे संयुक्त वक्तव्य पढेपछि ढुक्क अनुभूति भएको छ ।
औपचारिक भ्रमणका क्रममा वासिङटन रहेका मोदीले अमेरिकी राष्ट्रपति बाराक ओबामासँगको वार्तापछि जारी गरेको वक्तव्यमा नेपालको कुनै सन्दर्भ मात्र होइन, ‘शब्द’ नै परेन ।
यसबाट नेपाली राजनीतिज्ञ तथा कूटनीतिज्ञहरुले सहजता अनुभव गरेका छन् । परराष्ट्र मन्त्रालयका अधिकारीले सहजता अनुभव गरेका छन् । परराष्ट्र मन्त्रालयका अधिकारीले कूटनीतिक लविङ तीव्र पारिएको र नेपालको मनसाय अमेरिकाले बुझिदिएकामा खुसी व्यक्त गरे । भारतले पछिल्लो समय नेपालको संविधान अपूर्ण भन्दै आफ्नो कूटनीकि लविङ तीव्र पारेको छ ।
उक्त कार्यले नेपाल र भारतको सम्बन्धमा चिसोपना आएको थियो । अमेरिका भ्रमणमा पनि भारतले त्यही प्रकारको सहकार्य गर्न सक्ने आशंका सबैमा थियो । भारतले त्यस्तो प्रयास गरेको कूटनीतिक स्रोतले बतायो । तर, अमेरिकाले छिमेकीलाई साथमा लिएर आतंकवाद नियन्त्रण र विकास कार्य अघि बढाउनुपर्नेमा जोड दियो ।
कुनै पनि मुलुकको आन्तरिक मामिलामा तेश्रो पक्ष सहकार्यमा अमेरिका नरहेको सन्देश यसअघि नै दिएकाले संयुक्त वक्तव्यमा नेपाल शब्द नपरेको वासिङटनस्थित नेपाली नियोगका अधिकारीहरुको दाबी छ ।
कान्तिपुर दैनिकबाट
-
Loading...
Social Buttons