आफ्नो आकाश सुरक्षित पार्दै चीनलाई यसरी टक्कर दिदैछ भारत !

एजेन्सी– भारतीय प्रधानमन्त्री नरेन्द्र मोदीले केही दिनमै गर्न गर्न लागिएको रसिया भ्रमण र त्यहाँ हुने भनिएको सुरक्षा सम्झौताले दक्षिण एसियाको सुरक्षा चासोलाई ह्वात्तै बढाइदिएको छ । भारतीय रक्षा मन्त्रालय र रुसी हवाई रक्षा प्रणालीका अधिकारीहरुबीच भारतलाई एक शक्तिशाली क्षेप्यास्त्र (एस ४००) उपलब्ध गराउने र विशेष किसिमको सुरक्षा सम्झौता हुने भन्ने विषयमा हस्ताक्षर भैसकेको छ ।
भारतीय रक्षामन्त्री मनोहर पर्रिकरको अध्यक्षतामा बसेको बैठकले रुसी मिसाइल खरिद गर्ने फैसला गरेको जनाइएको छ । खरिद गर्न लागिएको यो मिसाइलले ४ सय किलोमिटरसम्म मार हान्न सक्ने जनाइएको छ । यस क्षेप्यास्त्र खरिद भारतको वायुरक्षा क्षमता बढाउने कदम भएको र यसले चीनसँग टक्कर दिन सक्ने भन्दै भारतीय सञ्चारमाध्यामहरुले समाचार प्रकाशित गरेका छन् । यो प्रणालीमा ४० हजार करोड लगानी गर्न तयार हुँदै आएको भारतले यसका अलवा रसियासँग २५ हजार करोडका अन्य परियोजनासँग समेत सम्झौता गर्दैछ । india

चीनपछि भारत यो मिसाइल प्रणालीको दोश्रो खरिदकर्ता भएको बताइएको छ । भारत र रुसबीच हुन लागेको यस शक्तिशाली मिसाइल खरिद प्रक्रिया र सुरक्षा सम्झौताले दक्षिण एसियाको सुरक्षा चासोलाई ह्वात्तै बढाइदिनेछ र चीनले गरेको हवाई सुरक्षा विकासलाई चूनौती दिने समेत बताइएको छ ।
संसारकै शक्ति राष्ट्रसँग खरिद गर्न लागिएको एस–४०० मिसाइलले करिब ४ सय किलोमिटरको दूरीमा मार हान्न सक्छ । यो ब्यालेस्टिक क्षेप्यास्त्र सो सरहको मिसाइल हो । यसले भारतले पहिले विकास गरेको एस–३०० मिसाइल प्रणालीको आधारमा दुई गुणा बढी युद्ध लड्न सक्ने बताइएको छ ।

विश्वकै शक्तिशाली मुलुकमध्ये एक रुसले बिक्री गर्न लागेको यस मिसाइल आफैमा शक्तिशाली त छँदैछ, त्यसमा पनि संसारकै सबैभन्दा आधुनिक वायुरक्षा प्रणालीमा समेत रुसको प्रतिरक्षा व्यवस्था गनिने भएकोले त्यहाँ गरिने सुरक्षा सम्झौताले विश्वमा ठूलो अर्थ राख्छ, किनभने अहिले पनि आणविक शक्तिमा रुस विश्वमै अगाडि छ । यी लगायत प्रतिरक्षासँग सम्बन्धित अन्य स–साना सम्झौता समेत प्रधानमन्त्री मोदीले गर्दैछन् ।

यसले उनको सैन्य शक्तिप्रति महत्वाकांक्षा ह्वात्तै बढाउन सक्ने दक्षिण एसियाली सुरक्षा विश्लेषकहरुको भनाई छ । प्रधानमन्त्री मोदी यही डिसेम्बर २३ देखि २५ सम्म रसियाको भ्रमणमा निस्कँदैछन् । प्रस्तुति– रंगलाल रिमाल

Dropdown Menu