Loading...
काठमाडौं, २८ साउन । दक्षिण चीन सागरलाई लिएर बढिरेको तनावका बीच चिनियाँ सञ्चारमाध्यमहरुले भियतनामलाई कडा चेतावनी दिएका छन् । सरकार नियन्त्रित चिनियाँ सञ्चारमाध्यमले दक्षिण चीन सागरमा रकेट लञ्चर पठाउने भियतनामको निर्णयलाई भयानक गल्तीको संज्ञा दिँदै यदि दुई देशबीचमा लडाइँ भएमा चीनको नै जीत हुने दाबी गरेका छन् । अन्तराष्ट्रिय सञ्चारमाध्यमका अनुसार केही दिनअघि यस विवादित इलाकामा भियतनामले केही रकेट लन्चर चीनकै सैन्य बेसमा आक्रमणका लागि पठाइसकेको छ ।
भियतनामले रकेट लन्चर पठाएपछि दक्षिण चीन सागरमा युद्धको सम्भावना बढेर गएको छ । जासुसी संस्थाका अधिकारीहरुले तीन दिनभित्रमा चीनले कब्जामा लिएको आफ्नो इलाकामा भियतनामले आक्रमण गर्ने सम्भावना बढेर गएको छ । अमेरिकासहित पश्चिमा राष्ट्रका जासुसी संस्थाका अधिकारीहरुले भियतनामले हालैको महिनामा स्प्राटली द्वीप नजिकै रकेट लन्चर तैनाथ गरेको बताएका छन् ।
जासुसी संस्थाका अधिकारीहरुले आकाशबाट निगरानी गर्दा कुनै लञ्चर देखिएका थिएनन् । हतियारसहितका सैनिक नदेखिएपनि भियतनामले दक्षिण चीन सागरको चिनियाँ बेसमा केही दिनमै हमलाको अन्तिम तयारी गरेको सूचना सार्वजनिक गरेका छन् । अमेरिकासहित पश्चिमा मुलुका सैन्य अधिकारीलाई उदृत गर्दै अन्तर्राष्ट्रिय सञ्चारमाध्यमले जनाए अनुसार भियतनाले हालैका महिनामा स्प्राटली द्वीप नजिकैको पाँचवटा क्षेत्रमा रकेट लन्चर तैनाथी अवस्थामा राखेको छ ।
अमेरिकन जासुसी संस्थाका अधिकारीहरुले आकाशबाट यो क्षेत्रमा कुनै लन्चर नदेखिएको बताएका छन् । उनीहरुले यो द्विपीय क्षेत्रमा हतियारले लैस सैनिक नदेखिएपनि अघिल्लो दुई तीन दिनमा चिनियाँ सैन्य इलाका हमला गर्ने सम्भावना बढेको छ ।
दक्षिण चीन सागरको कयौं द्वीप आफ्नो भएको दाबी गर्ने भियतनामको विदेश मन्त्रालयले चीनमाथि आक्रमण गर्न रकेट लन्चर तैनाथ गरेको बारेमा विस्तृतमा जानकारी दिन अस्वीकार गर्यो । तर उसले बाहिर आएको यो सूचना गलत नभएको भने स्वीकार्यो ।
जुनमा भियतनामका उप रक्षामन्त्री सिनियर लेफ्टिनेन्ट नगुएन ची भिन्हले भनेका थिए, ‘‘भियतनामको स्प्राटली द्वीपमा कुनै किसिमका लन्चर्स र हतियार तैनाथ गर्ने योजना छैन। तर यस्ता कुनै पनि विषयमा फैसला लिनका लागि हामीलाई अधिकार सुरक्षित छ ।’’
अमेरिकी थिङ्क ट्ंयाकको रिपोर्ट अनुसार चीनले दक्षिण चीन सागरको फियरी क्रस, सुबी र मिसचीफ रिफ द्वीपमा ३ हजार मिटर लामो धावनमार्ग बनाइसकेको छ । जसको उद्धेश्य त्यहाँ फाइटर जहाज उतार्नु हो ।
भियतनामले भने चीनले सैन्य बेस बनाएको यी तीने द्वीमा अन्य २१ द्वीपमा जस्तै आफ्नो अधिकार दाबी गर्दै आएको छ । चीनले भियतनामले दाबी गर्दै आएको स्प्राटलीमाथि सन् १९८८ मा कब्जा जमाएको थियो । चीनले यो द्वीप कब्जा गर्ने क्रममा भियतनामी नेभीलाई पराजित गरेको थियो ।
त्यस क्रममा भियतनामले द्वीपको सुरक्षामा खटिएका आफ्ना ६४ जना सिपाही मारिएको दाबी गरेको थियो । बितेका केही वर्षमा भियतनामले आफ्नो समुद्री सैन्य शक्तिलाई तीब्ररुपमा विकास गरेको छ । उसले रुसबाट ६ अत्याधुनिक सबमरिन पनि किनिसकेको छ। अस्ट्रेलियन डिफेन्स फोर्स एकेडमीमा भियतनाम रक्षाविज्ञ कार्ल थायरका अनुसार लन्चर्सको तैनाथीले भियतनामको गम्भीरता पुष्टि गरेको छ । भियतनामले आफू पनि सैन्य हिसावमा कम नभएको देखाउन चाहेको छ ।
Loading...
Social Buttons