Loading...
३०,साउन,काठमाण्डौं । भारतले नेपालसंग विग्रीएको सम्बन्धमा सुधार गर्न नेपाललाई उच्च प्राथमिकता दिन थालेको छ । भारतले नेपालसंगको पुरानो मित्रताका लागि सबै प्रयास गर्न थालेको छ । माओवादी केन्द्रका अध्यक्ष प्रचण्ड प्रधानमन्त्री भएपछि भारतले नेपालसंगको मित्रता बलियो हुने संकेत समेत गरेको हो । प्रचण्डको भारत भ्रमणअघि प्रधानमन्त्रीको विशेष दुतको रुपमा भारत जाने तयारीमा रहेका उपप्रधानमन्त्री निधि र भारतीय राजुदतवी भेटवार्ता समेत भएको छ । माओवादी स्रोतका अनुसार प्रधानमन्त्री प्रचण्ड सम्भवतः भदौ अन्तिममा भारत भ्रमणमा जाने बुझिएको छ । यसपटक प्रचण्डलाई स्वागत गर्न भारतीय प्रधानमन्त्री नरेन्द्र मोदी नै विमानस्थलमै आउने बताइएको छ ।
प्रचण्डको लागि यो ठुलो सरप्राइज हुनेछ । स्रोतका अनुसार भारतले प्रचण्डलाई यसपटक ठूलो सम्मान प्रदान गर्ने तयारी समेत गरेको छ । भारतले २६ जनवरीमा मनाउने गणतन्त्र दिवसको अवसरमा प्रधानमन्त्री प्रचण्डलाई प्रमुख अथिति नै बनाउनेबारेमा समेत सोचेको सूत्रहरुको दाबी छ । भारतले नेपालका प्रधानमन्त्रीहरुलाई अहिलेसम्म गणतन्त्र दिवसको अवसरमा प्रमुख अतिथि बनाएको छैन। स्व.राजा विरेन्द्र बाहेक अहिलेसम्म भारतले कसैलाई यस्तो अवसर प्रदान गरेको छैन । भारतीय पक्षले प्रचण्डलाई छिट्टै यसको लागि निमन्त्रणा दिने तयारी समेत गरेको छ ।
प्रधानमन्त्री प्रचण्डले समेत छिमेकीसँगको सम्बन्ध सुधारको लागि आफ्नो विशेष दुतको रुपमा उपप्रधान एवम् गृहमन्त्री विमलेन्द्र निधिलाई भारत र उपप्रधान एवम् अर्थमन्त्री कृष्णबहादुर महरालाई चीन पठाउने निर्णय गरेका छन् । प्रधानमन्त्रीको विशेष दुतको रुपमा उपप्रधानमन्त्रीद्धय निधि र महरा छिट्टै भ्रमण गर्ने बुझिएको छ । भारत पनि उनलाई सहयोग गर्न आतुर रहेको भारत मामिलाका नेपाली जानकारहरु बताउँछन् ।
Loading...
Social Buttons