Loading...
प्रतिस्पर्धा भइरहेको छ ।
अन्तर्राष्ट्रिय प्रतियोगिता नभइरहेको अवस्थामा खेलाडीलाई अभ्यस्त बनाउन नेपालले लाओससँग मैत्रीपूर्ण खेल खेलेको हो ।
पहिलो हाफको खेल भइरहँदा दुबै टोली गोलरहति बराबरीमा छन् । लाओसले गरेको एउटा गतिलो प्रयासलाई नेपाली रक्षक किरण चेम्जोङले बिफल बनाइदिए ।
नेपाली टोलीका प्रशिक्षकले कप्तान अनिल गुरुङलाई बेन्चमा राखेका छन् । नेपालका लागि किरण चेम्जोङ र सुजल श्रेष्ठ शुरुवाती ११ मा पर्दै खेलिरहेका छन् ।
नेपालबाट गोल रक्षकमा किरण छन् भने रक्षकहरुमा बिराज महर्जन, आदित्य तामाङ, अनन्त तामाङ र रबिन श्रेष्ठ रहेका छन् ।
त्यसैगरी मिडफिल्डरमा अन्जन विष्ट, सुजल श्रेष्ठ, विक्रम लामा र विशाल राई रहेका छन् । फर्वार्डको जिम्मेवारीमा नेपाली सेनाका नवयुग श्रेष्ठ र भरत खवास रहेका छन् ।
नेपाली टोलीका प्रशिक्षक ग्योतुकी कोजीले लाओससँग नेपालले उत्कृष्ट प्रदर्शन गर्ने दाबी गरेका थिए। 'घरेलु टोलीसँग उसकै मैदानमा खेल्दा हामीलाई दबाब पक्कै हुन्छ तर हामी लाओसलाई कडा टक्कर दिनेछौं', शुक्रबार आयोजित पत्रकार सम्मेलनमा कोजीले भनेका थिए ।
स्ट्राइकर अनिल गुरुङको कप्तानीमा रहेको २० सदस्यीय टोलीको गोलरक्षकमा किरण चेम्जोङ र विकेश कुथू रहेका छन् । रक्षकमा रविन श्रेष्ठ, अनन्त तामाङ, आदित्य चौधरी, देवेन्द्र तामाङ, कमल श्रेष्ठ र विराज महर्जन छन् ।
टोलीको मिडफिल्डरमा प्रकाश बुढाथोकी, सुजल श्रेष्ठ, हेमन गुरुङ, विक्रम लामा, विशाल राई, राजेन्द्र रवाल, अञ्जन विष्ट र जगजित श्रेष्ठ छन् । टोलीको स्ट्राइकरमा भरत खवास, नवयुग श्रेष्ठ र सुनील बल छन् ।
बंगबन्धु गोल्ड कप र भारतमा सम्पन्न १२औं दक्षिण एसियाली खेलकुद (साग) को उपाधि जितेपछि मलेसियासँग पहिलो मैत्रीपूर्ण खेल खेलेको थियो । उक्त खेलमा नेपाल १–१ गोलको बराबरीमा रोकिएको थियो ।
नेपालले लाओस फुटबल संघको आग्रहमा अहिले मैत्रीपूर्ण खेल खेल्न लागेको हो । फिफा वरीयतामा नेपालभन्दा चार स्थान माथि (एक सय ७६औं) स्थानमा रहेको लाओस अहिले भारतसँग एसियन कप छनोट खेल खेल्ने तयारीमा छ ।
Loading...
Social Buttons