Loading...
नेपालको उत्तरी सीमामा रहेको छिमेकी राष्ट्र चीनले एमाओवादी अध्यक्ष पुुष्पकमल दाहाल ‘प्रचण्ड’ परिवारभित्रै ‘रअ’ को एजेन्ट रहेको निष्कर्ष निकालेको छ ।
रातारात ओली सरकार गिराउन सक्रिय रहेका एमाअेवादीभित्र रहेका नेताहरूलाई चीनले अहिले विशेष निगरानीमा राख्न थालेको बुझिएको छ । भारतीय एजेन्टहरू प्रचण्ड परिवारभित्रै रहेको कुरामा अब बेइजिङलाई कुनै दुविधा रहेको देखिँदैन ।
केही समय राष्ट्रवादको मुखुण्डो लगाएका प्रचण्डका गतिविधिबाट चीन अहिले नराम्ररी झस्किएको छ । नाकाबन्दी लगायत भारतले गरेको अन्यायका विरुद्ध साथ र समर्थन दिएको चीनले नेपालका राजनीतिलाई मसिनोगरी हेरिरहेको छ ।
नेपालमा परिवर्तनकारी शक्तित भनेर चिनिन थालेको माओवादीलाई प्रचण्डको पछिल्लो कदमले ध्वस्त बनाएको छ ।
गतसाता भारतीय डिजाइनमा सत्ता ढाल्न लागेका प्रचण्डबारे अहिले बेइजिङमा विभिन्न कोणबाट समीक्षा सुरु भएको आज प्रकाशित नयाँ प्रकाश साप्ताहिकमा उल्लेख छ । ।
उसो त क्रान्तिकारी माओवादीका महासचिव रामबहादुर थापा ‘बादल’ ले यसअघि नै प्रचण्ड ‘रअ’ को एजेन्ट रहेको खुलासा गरिसकेका थिए । भारतीय कुटनीतिज्ञ एसडी मुनिले एक लेख मार्फत पटक पटक एमाअेवादीक अध्यक्ष ‘रअ’ को एजेन्ट रहेको बताउँदै आएका पनि हुन् ।
सुधिर शर्माको प्रयोगशाला पुस्तकमाा पनि प्रचण्डको हर्कतबारे राम्ररी नै खोलुवा नदिएको होइन ।
स्रोतका अनुसार एमाओवादीका अध्यक्ष मात्रै नभएर उनका परिवारभित्रै भारतीय एजेन्ट रहेको बारे कुराकानी सुरु भएको छ ।
एमाअोवादीका नेता अमिक शेरचनले हालै बीबीसीलाई एक अन्तार्वार्ता दिंदै “एमाओवादीमा पनि ‘रअ’ का एजेन्ट रहेको कुरा स्पष्ट रूपमा बताएका थिए ।
चिनियाँ राजदुतावासले २ जनाको नाम किटान गरेर बेइजिङ भ्रमणको निम्तो पठाएको थियो । प्रचण्डको छोरो प्रकाश दाहाल र नेपालको सरकार ढाल्ल उद्यत रहेका तथा हालसालै भारतीय भ्रमणबाट फर्किएका एमाओवादीका महासचिव कृष्णबहादुर महराको नाम नै किटान गरेर निम्तो दिनुले यी २ जना चीनको विशेष निगारनीमा रहेको कुरा बुझ्न कुनै समस्या हुनुहुँदैन ।
आन्तरिक षड्यन्त्रको पोल खुल्ने भएपछि एमाओवादीका उपाध्यक्ष नारायणकाजी श्रेष्ठले यी २ जनाको नाम काटेर अन्यलाई सहभागी गराएर चीनको भ्रमणमा पठाएका छन् ।
छिमेकी राष्ट्र चीनले एमाओवादी अध्यक्ष पुुष्पकमल दाहाल ‘प्रचण्ड’, महासचिव कृष्णबहादुर महरा र प्रचण्ड पुत्र प्रकाश दाहाल माथि विशेष निगरानी गरेको छ ।
यसले नेपालको राजनीतिमाा विशेषतः एमाअोवादीमा ‘रअ’ को प्रवेश कसरी भइसकेको रहेछ भन्ने कुराको प्रमाणित गरिदिएको छ ।
janapati
Loading...
Social Buttons