शुभ विहानीसँगै तपाईको आज !!! आज वि.सं. २०७२ फाल्गुणमहिनाको २०गतेबिहीवार

आजको पञ्चाङ्ग :

सृष्टितोगताब्दा १ अर्ब ९५ करोड ५८ लाख ८५ हजार १ सय १६, कलेर्गताब्दा ५ हजार १ सय १६ । श्री शालिवाहनीय शाके १ हजार ९ सय ३७ कीलक नामको संवत्सर । वि.सं. २०७२ फाल्गुणमहिनाको २०गतेबिहीवार। श्री सूर्य उत्तरायणशिशिर ऋतु । फाल्गुण कृष्णपक्षको नवमीतिथिमध्यान्ह१३ बजेर ५४ मिनेटसम्म उपरान्त दशमी तिथि।मूलनक्षत्र।सिद्धियोग।आनन्दादि योगमाधुम्रयोग । गरकरण१३बजेर ५४मिनेटसम्मउपरान्त वणिजकरण । तदनुसार नेपालसंवत ११३६ सिल्लागा।योग संवत ३७ । ई.सं.२०१६ मार्च महिनाको ३तारिख ।

आज आकाशमा :

सूर्य कुम्भराशिमा, चन्द्रमाधनु राशिमा।मङ्गल बृश्चिकमा, बुध कुम्भमा । बृहस्पति सिंहमा, शुक्र मकरमा।शनि बृश्चिकमा, राहु सिंहमा र केतु कुम्भराशिमा रहनेछन् । काठमाडौंमा आजको सूर्योदय बिहान ६बजेर २८मिनेटमार सूर्यास्त साँझ १८ बजेर ०५ मिनटमा हुनेछ ।

आजमध्यान्ह१३ बजेर ४३मिनेट देखि१५बजेर ११मिनटसम्मराहुकाल रहने छ । सो समयमा शुभकार्यको थालनी नगरेको राम्रो हुनेछ ।

आज यात्राको साइत : सिधा पूर्व दिशामा बाहेक पूर्वउत्तर अर्थात ईशान रउत्तर दिशाको लागिउपयुक्त हुनेछ ।

आजको राशिफल : २०७२ फाल्गुण २० गते बिहीवारको राशिफल

मेष राशिः

मेष राशि हुनेहरुको लागिआजकोदिन अपजसबाबजुत पनि काममा सफलता र व्यवसायिक लाभ मिल्नेछ । धार्मिक क्षेत्र तथा सन्तजनप्रति मनमा जागेको सन्देह वा नकारात्मक विचार हटाउने अवसर प्राप्त हुनेछ । कामकार्यमा अवमूल्यनबाबजुत पनि नतिजा संतोषप्रद ल्याउनसकिने छ । साविकभन्दा अल्लि बढी परिश्रम एवम् संघर्षले पेशा एवम् व्यवसायको क्षेत्रमा प्रगति गर्नसकिने छ र आर्थिक लाभ पनि हुनसक्ने छ । साहित्यिक, कला संगीत कर्मीहरुको लागि पनि उपलब्धि र लाभ मिल्ने दिन रहेको छ । तीर्थादिको भ्रमणजन्य स्थितिलाई पनि गोचरले लक्षित गरिरहेको छ । यहाँले आज धार्मिक क्षेत्रलाई सहयोग गर्नु शुभकर हुनेछ ।

वृष राशिः

वृष राशिका व्यक्तिहरुको लागि आजसोँचेभन्दा बढी संघर्ष गर्नपर्ने खालको दिन देखिएको छ । स्वास्थ्यमा प्रतिकूलता पर्नसक्ने सम्भावना रहेकोले आहारविहारमा ख्याल पुर्याउन जरुरी हुनेछ । कार्यक्षेत्रमा पनि केही अबरोध सृजना हुनसक्ने तथा काम बिग्रनसक्ने छ । हतार नगर्नु तथा सोँचविचार गरेर चल्नु नै बुद्धिमानी हुनेछ । धैर्यता र संयमले तनावलाई व्यवस्थापन गर्नु उचित हुनेछ । आज ध्यानाभ्यास गर्नु यहाँको लागि उपयुक्त हुनेछ भने आठ अंक, रातो रङ्ग र बाधाबिघ्न निवारणको लागि सर्वसाधारणले माँ वगलामुखी र विद्यार्थीले सरस्वतीको साधना गर्नु शुभ हुनेछ ।

मिथुन राशिः

मिथुन राशिकाव्यक्तिहरुको लागि आजको दिनजीवनसाथी वा प्रेमीको सहयोगले व्यवसायिक तथा पेशागत कार्य अघि बढ्न सक्नेछ भने अन्य क्षेत्रमा पनि मद्दत मिल्नेछ । पारिवारिक सामाञ्जस्यता बढ्ने र आमोद–प्रमोदपूर्ण दिन चर्या व्यतित हुने देखिन्छ । मानसम्मान मिल्ने तथा लौकिक उन्नति गर्नसकिने छ । गोचरले विशेष स्थानको यात्राको संयोगलाई पनि जुराइरहेको देखिएको छ । पेशा एवम् व्यवसायिक क्षेत्रबाट राम्रो लाभ हातपार्न सकिनेछ । राजनीति तथा समाजसेवा आदि क्षेत्रमा पनि अनुकूलता देखिएको छ । यहाँले आज विपरित लिङ्गीलाई उपहार दिनाले विशेष अर्थ राख्नेछ ।

कर्कट राशिः

कर्कट राशिका व्यक्तिहरुकोलागिआजकोदिनअनुकूल एवम् सफल रहनेछ । अवसर तथा समयको सदुपयोग गर्नाले प्रतिस्पर्धामा सफलता हात लाग्नेछ भने स्वकार्यबाट पनि राम्रो उपलब्धि गर्न सकिने छ । जागिर आदि पेशाको क्षेत्रमा पनि स्याबासी तथा प्रशंसा मिल्नेछ । अभिष्टकार्यमा सफलता मिल्ने तथा विशेष कार्य सम्पादन हुनजानाले मानसिक महत्त्वकांक्षा पनि बढ्नेछ । विरोधीपक्षलाई पनि सम्झौतामा ल्याउन सकिने छ । आज यहाँलाई हरियो रंग, छ अंकको प्रयोग शुभ हुनेछ भने विपक्षिलाई रणनीतिक सम्मान गर्न जानेमाआफ्नो हितमा फाइदा लिन सकिने छ ।

सिंह राशिः

सिंह राशि हुनेहरुको लागि आजकोदिनपूर्णरुपमा सकारात्मक मानिहाल्न अल्लि नमिल्ने देखिए पनि बुद्धि पुर्याउनसके ज्ञानार्जनको क्षेत्रमा प्रगति गर्नसकिने छ । तथापि विद्याबलको उन्माद बढ्सक्ने डर भने देखिएको छ । कसैकसैलाई परिश्रमविनाको धन प्राप्ति गर्ने आकांक्षा पलाउनसक्ने र त्यसको परिणाम विपरित आउनसक्ने सम्भावना देखिन्छ । सदाचार एवम् सत्कर्मले भने केही लाभ नै दिनेछ । समयको सदुपयोग गरे विद्यार्थीवर्गले आजको दिनको फाइदा उठाउन सकिनेछ । वस्तुपरिस्थिति बुझेर अघिबढ्नु र घमण्डललाई संयम गर्नु सबैको लागि बुद्धिमानी हुनेछ । आज यहाँलाई बगलामुखीको दर्शनभक्ति शुभप्रद हुनेछ ।

कन्या राशिः

कन्या राशि हुनेहरुको लागिआजअनुकूल मान्न अल्लि नसकिने खालको दिन छ । तपाईबाट जनव्यवहारमा खेलिएको भूमिका अल्लि नमिल्न तथा तालमेल नखान सक्ने देखिएकोले सावधानी अप्नाउन जरुरी हुनेछ । कार्यक्षेत्रमा पनि संघर्षको अनुभूति हुनसक्ने छ । हतारमा भन्दा धैर्यताको अभ्यासपूर्वक कर्मक्षेत्रमा खट्नु भएमा केही लाभ प्राप्त हुनेछ । सोँचेभन्दा विपरित फल प्राप्त हुनसक्ने भएकोले अत्यावश्यकभन्दा बढी सरोकार नराखेकै उचित हुनेछ । वादविवादको समेत सम्भावना रहेकोले सम्भावित द्वन्दबाट बच्न यत्न गर्नुहोला । आज यहाँको लागि चार अंक, सेतो तथा उज्यालो रङ्ग शुभ रहनेछ भने नगरी नहुने कार्य सम्पादन गर्दा आमाबाट आज्ञा लिएर गर्नु उपयुक्त हुनेछ ।

तुला राशिः

तुला राशि हुनेहरुको लागिआजको दिनआँटिलो एवम् साहसिलो रहने छ । पुरुषार्थ बढ्ने र राम्रो उद्यम सम्पादन गर्ने मौका मिल्नसक्ने छ । विशेष काम बन्नाले अन्य कामकार्यमा पनि प्रचुरमात्रामा रुचि बढ्ने छ । शुभचिन्तकबाट सहयोग मिल्ने र प्रतिस्पर्धा आदिमा पनि सफलता हात लाग्ने छ । राजनीतिजन्य सांगठानिक क्षेत्रमा वचस्व कायम गर्न सकिनेछ भने खेलकुद आदिमा पनि राम्रो पौरख देखाउन सकिनेछ । दाजुभाईसँगको सहकार्यबाट उपयुक्त परिणाम निकाल्न सकिनेछ । प्रफुल्लता एवम् सन्तोष बृद्धि हुनेछ । आज यहाँलाई माँ बगलामुखीको आरधनाको साथमा तीन अंक र हरियो रङ्गको प्रयोग शुभकर हुनेछ ।

वृश्चिक राशिः

वृश्चिक राशि हुने व्यक्तिहरुको लागि आजसामान्य अनुकूल देखिएको छ । तथापि बोलीवचनको अपव्याख्या हुनसक्ने सम्भावनालाई नकार्न सकिन्न ख्याल गर्नुहोला । व्यवसायिक कार्यमा भने केही प्रगति हुने देखिएको छ तरपनि धनोन्माद बढ्ने र सन्चित धनको अपव्यय हुनसक्ने सम्भावना पनि देखिएको छ । परोपकार एवम् समाजिक सेवामा संलग्न हुने मौका मिल्नसक्ने छ । नाता–कुटुम्बिक सम्बन्ध विस्तार हुनजाने र केही रणनीतिक खेल हुनसक्ने पनि सम्भावना पनि देखिएको छ, व्यवहारिक सावधनीको जरुरी हुनेछ । सम्भावित प्रतिकूलतालाई न्यूनिकरण गर्न आज यहाँले माँ बगलामुखी तथा सरस्वतीको श्रद्धाभक्ति गर्नु शुभकर हुनेछ ।

धनु राशिः

धनुराशि हुनेहरुको लागिआजसकारात्मक एवं उमङ्गिलो तथा राहतपूर्ण दिन रहने छ । नया“ पेशा–व्यवसायको विचार मन्थन हुनसक्ने छ । औपचारिक विचार गोष्ठी–कार्यक्रम आदिमा संलग्न हुनपाइने अवसर मिल्नसक्ने छ । येश–कृति र शान्ति एवं कान्ति बढ्नेछ । अनुहारमा हसिलो पन तथा आकर्षण बढ्नाले मान्छेहरुलाई प्रभाव पार्नसकिने छ । मानसम्मान, पदप्रतिष्ठामा बढोत्तरी हुनेछ । स्वादिष्ट परिकार आदिद्वारा स्वागत सत्कार मिल्नेछ । घरपरिवार तथा कार्यक्षेत्रमा सौहार्दता र प्रसन्नता छाउने छ । मनोकूल वातावरण बन्ने र व्यवसाय एवम् कर्मक्षेत्रबाट लाभ तथा सफलता मिल्नेछ ।

मकर राशिः

मकर राशि हुने व्यक्तिहरुको लागिआजको दिनकेही संघर्षको सामना गर्नपर्ने देखिएको छ । कामकार्यमा बढी नै कोसिसले मात्रै थोरै सफलता मिल्नसक्ने छ । बहकावमा आएर कुनै पनि हल्लामा नलागेको राम्रो हुनेछ भने बुद्धिमततापूर्वक फजुलका विषयबाट तर्किनु आज तपाईँको लागि उपयुक्त हुनेछ, अन्यथा खतिक्षति हुनसक्ने र पश्चाताप पनि पर्नसक्ने सम्भावना रहेको गोचरले देखाएको छ । गोचरले अनावश्यक यात्रा हुनसक्ने कुरालाई पनि लक्षित गरिरहेको छ । यहाँको लागि आज ३ अंक र पहेंलो रंगको प्रयोग एवम् कूलदेवताको भक्तिभाव शुभप्रद हुनेछ ।

कुम्भ राशिः

कुम्भ राशिका व्यक्तिहरुको लागिआजसदुपयोग गर्नजाने लाभकर दिन परेको छ । पेशागत कार्यमा उपयुक्त सफलता मिल्नेछ । अनुकूल गोचरप्रभावको सदुपयोग गरी व्यवसायबाट प्रचुर लाभ गर्नसकिने छ । पुरुषार्थ बृद्धि हुने रसोवापत मान्छेहरुबाट प्रसंशा मिल्ने तथा सहयोग पनि प्राप्ति हुने गोचर लक्षण छ । आफन्तजनबाट सहयोग प्राप्त गर्नसकिने तथा व्यवहारिक प्रगति एवम् स्याबासी मिल्ने र यश कृति पनि बढ्ने छ । प्रगतिकारक दिनको सदुपयोग गरी वैयक्तिक प्रगति एवं व्यवसायिक उन्नयन तर्फ चेष्टा दिनु बुद्धिमानी हुनेछ । गुमेको प्रतिष्ठा फर्काउन र बैंकब्यालेन्स बढाउनसकिने साथै विद्यामा पनि प्रगति हुनेछ ।

मीन राशि :

मीन राशिका व्यक्तिहरुको लागिआजमानसम्मान एवम् पदप्रतिष्ठा प्राप्ति हुने दिन रहेको छ । व्यापार व्यवसायबाट राम्रै आर्थिक उपलब्धि गर्नसकिने छ । सामाजिक प्रतिष्ठा बृद्धि हुनेछ भने यहाँमा भएको कलाकौशलताजन्य प्रतिभाले स्थान पाउनेछ । जागिर एवम् राजनीति तथा समाजसेवाको क्षेत्रमा थप जिम्मेवारी मिल्नसक्ने छ । आज यहाँलाई उच्चवर्ग तथा पदस्थ व्यक्तित्त्वहरुसँगको भेटघाटले महत्त्वाकांक्षी पनि बनाउने छ । विशेष विषयको योजनाको बारेमा विचारविमर्श हुनसक्नेछ । यहाँको लागि आज एक अंक, रातो रङ्ग शुभ रहने छ भने कूलदेवताको नाममा कुनै उपयुक्त वस्तु अर्पण गर्नु वा अनुष्ठान गर्नु विशेष पूण्यकर हुनेछ ।

Dropdown Menu