शुभ विहानीसँगै तपाईको आज !!! आज वि.सं. २०७२ चैत्र महिनाको १८ गते बिहीवार

आजको पञ्चाङ्ग :

सृष्टितोगताब्दा १ अर्ब ९५ करोड ५८ लाख ८५ हजार १ सय १६, कलेर्गताब्दा ५ हजार १ सय १६ । श्री शालिवाहनीय शाके १ हजार ९ सय ३७ कीलक नामको संवत्सर । वि.सं. २०७२ चैत्र महिनाको १८ गते बिहीवार । श्री सूर्य उत्तरायण वसन्त ऋतु । चैत्र कृष्णपक्षको अष्टमी तिथि । मूल नक्षत्र अहिले बिहान ९ः१८ बजेसम्म उपरान्त पूर्वाषाढा नक्षत्र । वरियान योग ०९ः१५ बजेसम्म उपरान्त परिध योग । आनन्दादि योगमा धुम्र योग । बालब करण १६ः०६ बजेसम्म उपरान्त कौलब करण । तदनुसार नेपालसंवत ११३६ चिल्लागा । योग संवत ३७ । ई.सं. २०१६ मार्च महिनाको ३१ तारिख ।

आज आकाशमा :

सूर्य मीन राशिमा । चन्द्रमा धनु राशिमा । मङ्गल बृश्चिकमा । बुध मीनमा । बृहस्पति सिंहमा । शुक्र मीनमा । शनि बृश्चिकमा । राहु सिंहमा र केतु कुम्भ राशिमा रहनेछन् । काठमाडौंमा आजको सूर्योदय अहिले बिहान ०५ बजेर ५७ मिनेटमा र सूर्यास्त साँझ १८ बजेर २० मिनेटमा हुनेछ ।

आजको राशिफल : २०७२ चैत्र १८ गते बिहीवारको राशिफल

मेष राशिः

मेष राशि हुनेहरुको लागि आज बिहान उपरान्त क्रमशः केही सहज बन्ने देखिन्छ । आफूभन्दा माथिल्लो पक्षबाट केही दबाब नहोला भन्न चाही सकिँदैन तथापि धर्मकर्ममा मन जानेछ । अध्यात्मिक तथा आस्तिक भावना बढ्ने र धार्मिक कार्यमा संलग्न हुन पाइनेछ । तीर्थ यात्राको योजना एवम् व्यवसायिक कार्यको बारेमा सरसल्लाह हुनसक्ने छ । पेशागत क्षेत्रबाट लाभ उठाउन सकिनेछ । यहाँको लागि नौ अंक र पहेलो रंग फापकर रहला भने माँ बगलामुखीको सेवा आराधना गर्नु शुभप्रद हुनेछ ।

वृष राशिः

वृष राशिका व्यक्तिहरुको लागि आज बिहानी समय उपयुक्त रहेपनि उपरान्त विलासिता तथा राजसी आहारले क्रमशः स्वास्थ्यमा समस्या देखिनसक्ने छ । कामकार्यमा पनि विभिन्न खालका अबरोधहरुको सामना गर्नपर्ने सम्भावनालाई गोचरले देखाइरहेको छ । आज दीर्घरोगीहरुले स्वास्थ्यमा अल्लि बढी ध्यान दिन जरुरी हुनेछ । दैनिक जिविकोपार्जन आदिको विषयमा पनि समस्या थपिनसक्ने भएको हुनाले संघर्षको सामना गर्ने मानसिकतामा बस्नु उपयुक्त हुनेछ । समय प्रतिकूल छ भनेर बुझ्न नसके अशान्ति हुनेछ र बुझेर धैर्य गर्नसकेको खण्डमा भने केही सहज हुनेछ । आज विद्यार्थीले माँ सरस्वतीको र अन्य सबैले माँ बगलामुखीको भक्ति बढाउनु हितकर हुनेछ ।

मिथुन राशिः

मिथुन राशिका व्यक्तिहरुको लागि आज दाम्पत्य एवम् भौतिक सुखकर रहनेछ । जीवन साथीको वा विपरित लिङ्गीको सहयोग मिल्ने वा प्रेमप्रस्ताव आउनसक्ने सम्भावना छ । विवाहयोग्य युवायुवतीको विवाह प्रस्तावको सम्भावना छ । यात्राको पनि सम्भावना देखिएछ । व्यापार व्यवसायीले राम्रो लाभ गर्नसक्नु हुनेछ । कार्यक्षेत्रमा सकारात्मक वातावरण सृजना हुनाले भौतिक उपलब्धि एवम् मानसिक शान्ति मिल्नेछ । आज यहाँहरुको लागि सात अंक, सेतो रङ्गको प्रयोग र विपरित लिङ्गीलाई उपहार दिनु आदि कार्य फापसिद्ध हुनेछ ।

कर्कट राशिः

कर्कट राशिका व्यक्तिहरुको लागि आजको दिन अर्थकर रहनेछ । शारीरिक एवम् मानसिक बलबृद्धि हुनेछ । सहयोगी बढ्ने, विपक्षीलाई रिझाउनसकिने र व्यवसायबाट मनग्य लाभ हातपार्न सकिने छ । आरोग्यता बढ्ने र कान्तिमा बृद्धि हुनेछ । इष्टकार्यमा सफलता हातपार्न सकिने छ भने आफूभन्दा ठूलो निकायलाई पनि सम्झौतामा ल्याउन सकिनेछ । श्री लक्ष्मीको कृपायोग परेकोले अर्थलाभ हुनेछ । सफलता एवम् लाभको कारण कर्मक्षेत्रको लागि हिम्मत र साहस बढ्ने छ । सो"चेकै कार्यमा सफलता हातपार्नको लागि आफूभन्दा ठूलो व्यक्तिको मार्गनिर्देशन लिनु अझ हितप्रद हुनेछ ।

सिंह राशिः

सिंह राशि हुनेहरुको लागि आज ज्ञानोन्मादको भावना देखिनसक्ने र कमजोरी उदांगिनसक्ने सम्भावना रहेकोले सो विषयमा ख्याल पुर्याउनु होला भने मानवीय व्यवहार र धैर्यता गर्नाले प्रतिष्ठा जोगाउन सकिनेछ । सन्तानबाट सुख र केही लाभ मिल्ला । परनिन्दाको वृतिलाई प्रसय दिँदा स्वकार्य पूरा गर्न बाधा हुने तथा आफ्नो गोपनीयता खुश्कनसक्ने कुरामा पनि ध्यान पुर्याउन जरुरी देखिन्छ । बढी बोलेर बाठो हुने मनोविज्ञानले अन्तमा पछुतो पार्नसक्ने भएकोले संयम गर्नु बुद्धिमानी हुनेछ । दैनिकी व्यवसायिक कर्मक्षेत्रबाट सामान्यतया लाभ मिल्नसक्ने छ ।

कन्या राशिः

कन्या राशि हुनेहरुको लागि आजको दिन मनमा संकोचित विचार बढ्नाले सहकमीसँग विवाद हुनसक्ने कुरालाई ग्रहगोचरले लक्षित गरिरहेको हुनाले संयम रहन जरुरी हुनेछ । पारिवारिक कार्यभार बढ्नसक्ने कुरालाई नकार्न सकिन्न । अभावको विषयलाई लिएर पारिवारिक असन्तुष्टिको सामना गर्नपर्न पनि सक्नेछ । आज तपा

Dropdown Menu