Loading...
काठमाडौं, ११ कात्तिक । भारतको अघोषित नाकाबन्दीबीच नेपालले छिमेकी देश चीनसँग इन्धन व्यापार सम्झौता गरेको छ ।
नेपालमा भारतीय एकाधिकार तोड्दै बुधबार नेपाली अधिकारीहरुले चीनको राजधानी बेइजिङमा चिनियाँ अधिकारीसँग छलफल गरी इन्धन खरिद गरेर नेपाल भित्र्याउने सम्बन्धमा सम्झौता पत्रमा हस्ताक्षर गरेको चीनस्थित नेपाली राजदूतावासले जनाएको छ ।
चीनका लागि नेपाली राजदूत महेश मास्केले बेइजिङमा रहेको नेपाली टोलीले चिनियाँ सरकारी टोलीसँग इन्धन आपूर्तिका लागि दुईपक्षीय समझदारी पत्रमा हस्ताक्षर गरेको जानकारी दिनुभयो ।
सम्झौता अनुसार चीनले नेपाललाई सहुलियत मूल्यमा पेट्रोल, डिजेल र अन्य इन्धनका सामग्री उपलब्ध गराउने उल्लेख गरिएको छ । यसअघि नेपालमा भारतले मात्रै इन्धन आपूर्ति गर्दै आएको थियो । आजको सम्झौतासँगै अब नेपालमा भारतको एकाधिकार तोडिएको हो ।
Loading...
Social Buttons