Loading...
काठमाडौं, २५ साउन । नेपाली कांग्रेसको विद्यार्थी संगठन नेविसंघको महाधिवेशनस्थलमा झडप भएको छ । विवादका बीच शुरु भएको नेविसंघको ११ महाधिवेशनको बन्द सत्र शुरु हुनुअघि अधिवेशनस्थलमा झडप भएको हो ।
कांग्रेस नेता कृष्ण सिटौला पक्षधर नेविसंघ नेता एवम् अध्यक्षका दावेदार कुन्दन काफ्लेको समूह प्रदर्शनीमार्गमा नाराबाजी गर्दै महाधिवेशनस्थल प्रवेश गर्न खोज्दा प्रहरीले रोकेको थियो । प्रहरीले रोक्ने क्रममा झडप भएको हो । यसक्रममा केहीबेर प्रहरीसँग झडप र ढुंगा हानाहान पनि भएको थियो ।
विवादका कारण दुई दिनदेखि बन्दसत्र शुरु हुन सकेको छैन । मंगलबार दिउँसो २ बजेदेखि बन्दसत्र शुरु हुने भनिएको थियो । प्रतिनिधि विवाद नटुंग्याइकन बन्दसत्र गर्न नपाइने भन्दै काफ्ले समूहले नाराबाजी गरेपछि झडप भएको हाे।
महाधिवेशन परिसर भृकुटीमण्डप बाहिर प्रदर्शनीमार्गमा विद्यार्थीहरु महाधिवेशनको पक्ष र विपक्षमा नाराबाजी गरेका छन् । मनाेमानी प्रतिनिधि चयन गरिएकाे भन्दै कुन्दन पक्षका केहीले पार्टी केन्द्रीय कार्यालय सानेपामा अनसनसमेत बसेका थिए ।khabardabali
Loading...
Social Buttons