Loading...
काठमाडौं, १९ असार । ढाकामा भएको आतंकवादी हमलाको जिम्मा लिएको आईएसले उक्त हमला गराउने आफ्ना ५ जना सदस्यको तस्वीर सार्वजनिक गरेको छ । आफ्नो सोसल साइटमा तस्वीर राखेर ती आतंकवादीको तस्वीर सार्वजनिक गरेको हो ।
भारतीय अनलाइन पत्रिका ‘न्युज २४ अनलाइन’ ले ढाका हमलामा संलग्न ५ जना आतंकवादीको तस्वीर आईएसले सार्वजनिक गरेको जनाएको छ । तस्वीरमा भएका आतंकवादीहरु २० देखि २५ वर्ष उमेरका देखिन्छन् । उनीहरुले हातमा बन्दुक लिएको पनि देख्न सकिन्छ ।
बन्दुकधारीले शनिवार ढाकाको होली आर्टिसन बेकरी क्याफेमा छिरेर २० जना निर्दोषलाई कब्जामा लिएका थिए । पछि उनीहरुले आफूले कब्जामा लिएका मानिसलाई कुरान पढ्न लगाएको र पढ्न नजान्नेलाई धारिलो हतियारले घाटी रेटी हत्या गरिदिएका थिए । सुरक्षाकर्मीको कारवाहीमा ५ जनाको मृत्यु भएको पनि आईएसले दावी गरेको छ ।
Loading...
Social Buttons