Loading...
काठमाडौं: टर्किस ह्याकिङ ग्रुप बोजकुर्तलरले नेपालका दुईसहित दक्षिण एसियाका पाँचवटा बैंकको सिष्टम ह्याक गरेर डाटा चोरी गरेको खुलासा भएको छ।
ह्याकरको समूहले काठमाडौंस्थित सानिमा बैंक र बिजिनेस यूनिभर्सल डेभेलपमेन्ट बैंकको सिस्टम ह्याक गरेर डाटा चोरी गरेको हो।
ह्याकरहरुले बंगलादेशको ढाकामा रहेका डच बंगला बैंक, द सिटी बैंक र ट्रस्ट बैंकको सिष्टम ह्याक गरेर डाटा चोरी गरेको रहस्य खुलेको हो। यी पाँचै बैंकका सूचनाहरु उनीहरुरुले चोरेर आफ्नो ट्विटर एकाउन्टबाट चेतावनीसहित सार्वजनिक गर्दै आएका छन्।
ह्याकरका कारण यी पाँच बैंकलाई तनाव भएको छ। बैंकहरुको सिष्टममा रहेको डाटा चोरी भएपछि ग्राहकहरुमा असर पर्ने भन्दै सबै बैंकहरुले आफ्नो सूचना सुरक्षा अधिकारीलाई पनि दिएका छैनन्।
तर, बैंकको सूचना सुरक्षा हेर्ने विज्ञहरुले बोजकुर्तलरलाई पछ्याइरहँदा ती बैंकहरुको खास डाटाहरु ह्याकरसँग रहेको खुलेकोछ । यसले बैंकहरुलाई निकट भविष्यमै समस्यामा पार्ने दाबी विज्ञहरुले गरेका छन्।
बिजिनेस यूनिभर्सल डेभेलपमेन्ट बैंकको २५१ एमबी, सानिमा विकास बैंकको ४७ एमबी, द सिटी बैंकको ११.२ एमबी, ट्रस्ट बैंक को ९५ केबी र डच बंगला बैंकको ३१२ केबी डाटा ह्याकरहरुको समूहले चोरी गरेको खुलेको हो।
Annapurnapost
Loading...
Social Buttons