नेपालद्धारा नामिबिया पाँच विकेटले पराजित, नायक बने शरद भेषवाकर !!!

काठमाडौं, ४ बैशाख । आइसीसी वल्ड लिग च्याम्पियनसिप अन्तर्गतको खेलमा नामिबियालाई हराउँदै नेपाल विजयी भएको छ । विनोद भण्डारी र शरद भेषवाकरको ८४ रनको साझेदारीले नेपाललाई जित दिलाएको छ ।

टस जितेर पहिले ब्याटिङ गरेको नामिवियाले निर्धारित ५० ओभरमा ९ विकेट गुमाउँदै १९५ रन बनाएको थियो । जवाफी ब्याटिङको उत्रेको नेपालले ४७.१ ओभरमा ५ विकेट गुमाउँदै १९७ रन बनाएको छ । अन्तिम बलमा चौका हान्दै भेषवाकरले नेपाली टोलीलाई बिजयी मात्र गराएनन् आफुले पनि अर्ध सतक बनाए ।

नेपालको जितमा विनोद भण्डारी शरद भेषवाकर र बसन्त रेग्मी नायक बने । भेषवाकरले ९९ बलको सामना गर्दै ५० रन बनाए भने भण्डारीले ४० रनको योगदान दिए । उनको बल्लाबाट ३ छक्का २ चौका पनि निस्केका थिए । नेपालका लागि ज्ञानेन्द्र मल्ल २१, नरेश बुढाऐर १६, पारस खड्काले २१ रन बनाएका थिए ।

पहिले ब्याटिङ गरेको नामिवियाका लागि एसफी वरगरले ७७ वलको सामना गर्दै सर्वाेधिक ३८ रन बनाएका थिए । उनलाई बसन्त रेग्मीले आउट गरेका थिए । त्यसैगरी फ्रान्से र स्मिटले समान २६/२६ रनको योगदा दिएका थिए ।

नामिवियाको टोलीलाई १९६ रनमा रोक्न सर्वाधिक योगदान बसन्त रेग्मीले गरेका थिए । उनले १० ओभर खेल्दै ४० रन दिएर एक मेडनसहित तीन विकेट लिएका थिए । त्यसैगरी सोमपाल कामीले २ कप्तान पारस खड्काले १ विकेट लिएका थिए ।

Dropdown Menu