Loading...
विश्वकप क्रिकेट अन्तर्गत भारत र वेस्टइण्डिजबीचको सेमिफाइनल खेलमा घरेलु मैदानमै भारतमाथि वेस्टइण्डिज हावि भएको छ। रोमाञ्चक बनेको सेमिफाइनल खेलमा भारतलाई वेस्टइण्डिजले ७ विकेटले हराउँदै फाइनलको यात्रा तय गरेको छ।
अब फाइनल खेल इंग्ल्याण्ड र वेस्टइण्डिजबीच हुनेछ। होम ग्राउण्डमा उपाधिकालागि हुने फाइनल खेलमा घरेलु टिमको अनुपस्थितिले भारतीय दर्शक निरास हुनेछन्। पहिले ब्याटिङ गरेको भारतले वेस्टइण्डिजलाई १९३ रनको लक्ष्य दिएको थियो। १९.४ अोभर खेल्दै ३ विकेट गुमाएर वेस्टइण्डिजले लक्ष्य भेट्टाएको हो। वेस्टइण्डिजकालागि सिमोन्सले ८३ रन, कार्लेसले ५२ रन, रसेलले ४३ र गेलले ५ रनको योगदान गरे। भारतकालागि विराट कोहोलीले उत्कृष्ट ब्याटिङ गर्दै नट अाउट रहेर ४७ बलमा ८९ रनको योगदान गरेका थिए। तर कोहोलिको उत्कृष्ट ब्याटिङ भारतको जितका लागि प्रयाप्त बनेन। २० अोभरमा २ विकेट गुमाएर भारतले वेस्टइण्डिजका सामु उक्त लक्ष्य पेस गरेको थियो।
जसमा रोहित शर्माले ४३ रनको योगदान गरे भने अजिन्का राहानेले ४० रन जोडेका थिए। क्याप्टेन महेन्द्र सिं धोनीले नट अाउट १५ रन जोडेका थिए। वेस्टइण्डिजले टस जितेर फिल्डिङ रोजेको थियो। वेष्टइण्डिजका लागि आन्द्रे रूसेल र सामुल बाड्रेले १-१ विकेट लिएका थिए। वेस्टइण्डिज अब फाइनल खेलमा इंग्ल्याण्डसँग उपाधिकालागि भिड्ने छ। इंग्ल्याण्डले सेमिफाइनलमा न्युजिल्याण्डलाइ हराएर फाइनलको यात्रा तय गरिसकेको छ।
Loading...
Social Buttons