Loading...
आजको पञ्चाङ्ग :
वि.सं. २०७२ माघ महिनाको १७ गते आइतवार । श्री सूर्य उत्तरायण शिशिर ऋतु । माघकृष्ण पक्षको सप्तमी तिथि १७ बजेर २१ मिनटसम्म उपरान्त अष्टमी तिथी । चित्रा नक्षत्र अहिले विहान ०९ बजेर ११ मिनटसम्म उपरान्त स्वाती नक्षत्र । शूल योग २१ बजेर ५२ मिनटसम्म उपरान्त गण्ड योग । आनन्दादि योगमा पद्म योग, बब करण १७ बजेर २१ मिनटसम्म उपरान्त बालब करण । तदनुसार नेपालसंवत ११३६ पोहेलागा । योग संवत ३७ । ई.सं. २०१६ जनवरी महिनाको ३१ तारिख ।
आजको राशिफल
मेष राशिः
मेष राशि हुनेहरुको लागि आजको दिन आमोद–प्रमोद चाहनामा बृद्धि हुने तथा विपरितलिङ्गी तर्फको आकर्षण बढ्ने छ । व्यवसायिक उन्नति हुनाले आर्थिक सङ्कलन हुनेछ भने आफन्तिको शुभसन्देश प्राप्त गर्नसकिने छ । औपचारिक कार्यक्रम आदिको निमन्त्रणा मिल्ने तथा रमाइलो स्थानको यात्रा पनि हुनसक्ने देखिन्छ । विवाह योग्य युवायुवतीको लागि विवाह प्रस्तावको सम्भावना पनि रहेको छ । आज यहाँलाई सात अंक, सेतो रङ्ग शुभ हुनेछ भने माङ्गलिक दोष हुनेहरुले उपयुक्त उपायको साथमा गुरु गणेशको दर्शन गर्नु हितकर हुनेछ ।
वृष राशिः
वृष राशिका व्यक्तिहरुको लागि आजको दिन अनुकूल एवम् सफल रहनेछ । अवसर तथा समयको राम्रोसँग सदुपयोग गर्ने प्रयत्न गरेमा प्रतिस्पर्धामा सफलता मिल्ने छ भने स्वकार्यबाट पनि राम्रो उपलब्धि गर्न सकिने छ । जागिर लगायतका पेशाको क्षेत्रमा पनि लाभ एवम् प्रशंसा मिल्नेछ । शत्रुका विरुद्ध खरो उत्रन र गुमेको साख फर्काउन सकिने छ । आज यहाँलाई हरियो रंग, छ अंक अनुकूल रहने छ भने विपक्षिलाई रणनीतिक सम्मान गर्नाले उपयुक्त फाइदा लिन सक्नुहुने छ ।
मिथुन राशिः
मिथुन राशिका व्यक्तिहरुको लागि आजको दिन सुधार भएको देखिन्छ तर पनि मान्छेहरुको नजरमा तपाईँमा आत्मप्रशंसाको चाहना झल्किन सक्ने र आफ्नो प्रभाव जमाउन अल्लि कठिन पर्नसक्ने छ । समयको सदुपयोग गर्न खोज्नेहरुको लागि भने कुनै काम सिक्ने कार्यमा प्रगति गर्नसकिने छ । अर्काको चियोचर्चोमा मन जानाले आफ्नो कार्य अधुरो रहनसक्ने कुराप्रति होसियारी रहनु पर्ला । गोपनीयता बचाउन पनि यत्न गर्नु होला । आज पाँच अंक, रातो रङ्ग यहाँको लागि शुभ हुनेछ भने गरीब विद्यार्थीलाई सहयोग गर्नु फापसिद्ध हुनेछ ।
कर्कट राशिः
कर्कट राशिका व्यक्तिहरुको लागि आज होसियारी रहनुपर्ने दिन देखिएको छ । विनाकारण कसैसँग वादविवाद तथा मनमुटाव हुनसक्ने सम्भावना छ । व्यवहारमा जरुरी मात्रै सम्बन्ध राख्नु उपयुक्त हुनेछ । आज केही पारिवारिक समस्याको पनि सामाना गर्न पर्नसक्ने छ । अगाडि सारिएको काममा विलम्ब हुने तथा अबरोध आइपर्नसक्ने सम्भावना रहेकोले धैर्यताको मानसिकता एवम् अभ्यास अवलम्बन गर्नुपर्ला । मानसिक संकिर्णतालाई प्रवेश नदिन प्रयत्न गर्नुहोला । आज चार अंक, सेतो रङ्ग यहाँको लागि उपयुक्त हुनेछ भने आमाको आर्शिवादले यहाँलाई ठूलो हित गर्नेछ ।
सिंह राशिः
सिंह राशि हुनेहरुको लागि आजको दिन शक्तिको भरपुर प्रयोग गर्ने दिन छ । शारीरिक एवम् मानसिक जाँगर बढेर आउने र रोकिएर रहेको काम पूरा गर्न मन लाग्ने छ । इष्टमित्र तथा जानपहिचानका व्यक्तिहरुबाट सहयोग जुट्ने र प्रशंसा मिल्नेछ । बन्धुबान्धवबीचको सम्बन्धमा सुधार आउनेछ भने सहकार्य अघि बढ्नेछ । पेशागत क्षेत्रबाट यथोचित आर्थिक आर्जन गर्न सकिने छ । आज यहाँलाई तीन अंक, हरियो रङ्ग शुभ हुनेछ भने दाजुभाई मिलेर काम गर्नु फापसिद्ध हुनेछ ।
कन्या राशिः
कन्या राशि हुनेहरुको लागि आजको दिन सामान्य अनुकूल देखिएको छ । बोलीवचनको अपव्याख्या हुनसक्ने सम्भावनालाई नकार्न सकिन्न ख्याल गर्नुहोला । व्यवसायिक कार्यमा भने केही प्रगति हुने देखिएको छ तथापि सन्चित धनको अपव्यय हुनसक्ने सम्भावना पनि देखिएको छ । परोपकार एवम् समाजिक सेवामा संलग्न हुने मौका मिल्नसक्ने छ । नाता–कुटुम्बिक सम्बन्ध विस्तारमा पनि सजग हुन जरुरी देखिएको छ । आज यहाँको लागि दुई अंक, सेतो रंग उपयुक्त रहने छ भने सूर्यदेवको श्रद्धाभक्ति शुभप्रद हुनेछ ।
तुला राशिः
तुला राशि हुनेहरुको लागि आजको दिनको ग्रह केही बाधक अबस्था हुँदाहुँदै पनि ईज्जत तथा मानप्रतिष्ठामा विकास हुनेछ । दिन मनोरञ्जन एवम् खुशीयालीप्रद रहने छ । मनोवाञ्छित स्वादिष्ट भोजनद्वारा स्वागत सत्कार मिल्नसक्ने छ । इष्टमित्रको आगमन हुने र कोसेली आदि पनि मिल्नसक्ने छ भने पारिवारिक सौहार्दता बढ्ने छ । नयाँकाममा लगानीको पनि सम्भावना देखिन्छ । पेशागत कामकार्यमा लाभ एवम् सफलता प्राप्त हुनेछ । आज यहाँलाई एक अङ्क, रातो रङ्ग र ग्रहबाधा निवारणको लागि भैरवदेवको दर्शन भक्ति शुभ हुनेछ ।
वृश्चिक राशिः
वृश्चिक राशि हुने व्यक्तिहरुको लागि आज केही संघर्षको सामना गर्नपर्ने देखिएको छ । कार्यमा बढी कोसिसले मात्रै थोरै सफलता मिल्नसक्ला । बहकावमा आएर कुनै पनि हल्लामा नलागेको राम्रो हुनेछ भने बुद्धिमततापूर्वक फजुलका विषयबाट तर्किनु उपयुक्त हुनेछ, अन्यथा खतिक्षति हुनसक्ने र पश्चाताप पर्ने सम्भावना रहेको छ । गोचरले खासै आवश्यक नभएको यात्रा हुनसक्ने कुरालाई पनि लक्षित गरिरहेको छ । यहाँको लागि आज ३ अंक र पहेंलो रंग एवम् सूर्यदेवको भक्तिभाव शुभप्रद हुनेछ ।
धनु राशिः
धनुराशि हुनेहरुको लागि आज कार्यक्षेत्रबाट राम्रो आर्थिक लाभ गर्न सकिने गोचर परेको छ । प्रतिस्पर्धामा विजय मिल्ने तथा प्रख्याति बढ्ने छ । अध्यनअध्यापन एवं लेखनजन्य कार्यमा प्रगति हुने छ भने गृहस्थीहरुलाई सन्तानको पक्षबाट सन्तोषपूर्ण भूमिका निर्वाह हुनेछ । दिनको सदुपयोग गरी अधुरा रहेका कामहरुलाई पूरा गर्न आफ्नो कामलाई समय दिनु बुद्धिमानी हुनेछ । विवाह प्रसङ्ग चल्नसक्ने सम्भावना पनि छ । आज यहाँलाई दुई अंक, सेतो रङ्ग फापकर हुनेछ भने सूर्यशक्ति बढाउने उपाय अवलम्बन गर्नु शुभकर हुनेछ ।
मकर राशिः
मकर राशि हुने व्यक्तिहरुको लागि आज ईज्जत एवम् प्रख्याति बढ्ने दिन रहेको छ । व्यापार व्यवसायबाट राम्रो आर्थिक उपलब्धि गर्न सकिने छ । जागिर, राजनीति तथा समाजसेवाको क्षेत्रमा थप जिम्मेवारी मिल्नसक्ने छ । विशिष्ट तहका अधिकारीहरुसँग संपर्क विस्तार हुनसक्ने र त्यसले महत्त्वाकांक्षी भावना पनि बृद्धि गर्न सक्नेछ । विद्वानजनको सङ्गत पनि मिल्नसक्ने छ । त्यस्तै आज एक अंक, रातो रङ्ग यहाँको लागि शुभ रहने भने सूर्यदेवलाई खुशी बनाउने कुनै उपाय अवलम्बन गर्नुले थप उपलब्धि मिल्नेछ ।
कुम्भ राशिः
कुम्भ राशिका व्यक्तिहरुको लागि आज आफूभन्दा माथिल्लो तहबाट केही दबाब आउनसक्ने हुँदाहुँदै पनि अध्यात्मिक तथा आस्तिक भावना बृद्धि भई धार्मिक कार्य सम्पादन हुनसक्ने छ । सत्यमा रहने र साहस एवम् दृढता बढाउनाले आउनसक्ने अपजश आदिलाई प्रतिकार गर्नसकिने छ । यात्रायोजना एवम् नयाँ कार्यको चिन्तन तथा थालनीलाई गोचरले संकेत दिइरहेको छ । पेशागत केही लाभ पनि हुने देखिन्छ । नौ अंक पहेलो रंग र धार्मिकजनको आर्शिवाद लिनु यहाँको लागि आज उपयुक्त हुनेछ ।
मीन राशि :
मीन राशिका व्यक्तिहरुको लागि आज केही संघर्ष गर्न पर्ने खालको देखिएको छ । स्वास्थ्यमा समस्या आउनसक्ने ग्रहगोचर रहेकोले आहारविहारमा ख्याल पुर्याउनु पर्ला । शत्रुपक्ष सक्रिय हुनसक्ने र कार्यक्षेत्रमा पनि केही अबरोधको सामना गर्नुपर्ने हुनसक्छ जसको लागि सकारात्मक सोँचको विकास गर्नु तथा धैर्य र संयमको अभ्यास गर्नाले अन्तिममा केही सहज हुने देखिन्छ । आठ अंक, रातो रङ्ग आज यहाँको लागि शुभ रहनेछ भने बाधाबिघ्न निवारणको लागि दीनदुःखी तथा रोगीको सेवा गर्नु उपयुक्त हुनेछ ।
Loading...
Social Buttons