तेल र ग्याँस सिलिण्डरसहित पक्राउ

मोरङ, २१ पुस । बिराटनगरको नगर क्षेत्रबाट नेपालतर्फ ल्याउँदै गरेको १ सय ४६ थान भरिएको र १२ थान खाली एलपी ग्याँस सिलिण्डर तथा १२ सय ८० लिटर डिजल, ५ सय ४० लिटर पेट्रोल र ५० लिटर मट्टीतेल सोमबार प्रहरीले बरामद गरेको छ ।

यसैगरी बिराटनगर उपमहानगरपालिका–१४ बसपार्क नजिकबाट को.१ ख २१६६ नम्बरको मिनीट्रकमा लोड गरी राखेको २५ सय लिटर डिजेलसहित चालक सोही उपमिहानगरपालिका–२२ बस्ने ५४ बर्षीय अल्लाउदिन मिया र डिजेल साहु ३१ बर्षीय बेचन मियालाई डिजेल र ट्रकसहित सोमबार प्रहरीले नियन्त्रणमा लिएको छ ।

यसैगरी बिराटनगर बसपार्कबाटै को.१ ज २३६० नम्बरको भ्यानमा लोड गरी ल्याएको ६ सय लिटर डिजल सहित भ्यान चालक २६ बर्षीय चन्दन मण्डल र डिजल साहु ४० बर्षीय फिरोज आलमलाई डिजेल र भ्यानसहित सोमबार प्रहरीले नियन्त्रणमा लिएको छ ।

Dropdown Menu