Loading...
काठमाडौं— पेट्रोलियम पदार्थ अभाव झेलिरहेका उपभोक्तालाई सहज होस् भनेर पुल्चोक स्थित साझा संस्था सहकारीले पेट्रोलियम पदार्थ वितरणको तालिका सार्वजनिक गरेको छ।
साझाका कार्यकारी निर्देशक दिनेश पौडेलकाअनुसार पेट्रोलियम पदार्थको वितरण मिलाउन तालिका बनाइएको हो। उनकाअनुसार आइतबार ट्याक्सीलाई पेट्रोल वितरण गरिनेछ। सोमबार सरकारी तथा संस्थानका सवारी साधनलाई मात्र पेट्रोलियम पदार्थ उपलब्ध गराइनेछ।
भोलि मंगलबार साझाको पम्पले निजी, सरकारी, संस्थान सबैखाले नम्बर प्लेट भएका मोटरसाकइललाई पेट्रोल उपलब्ध गराउनेछ। तालिकाअनुसार बुधबार सबै गाडीहरुलाई तेल उपलब्ध गराइनेछ भने बिहीबार निजी गाडीहरुलाई मात्र तेल दिइनेछ। त्यसैगरी शुक्रबार कुपनका सवारी साधनलाई तेल उपलब्ध गराइने कार्यकारी निर्देशक पौडेलले जनाएका छन्।
Loading...
Social Buttons