Loading...
कोरियाको सवैभन्दा ठुलो इलोक्ट्रोनिक्स कम्पनी सामसङले यो तेश्रो चौमासिकमा कम्पनीको नाफा दुइ वर्ष यताकै उच्च हुने प्रक्षेपण गरेपछि यसको शेयर हवात्तै बढेको छ । सामसङले तेश्रो चौमासिकमा कम्पनीको नाफा असी प्रतिशतले वृद्धि हुने अर्थात सात दशमलब तीन खर्ब वोन (छ दशमलब तीन अर्ब डलर) पुग्ने प्रक्षेपण गरेको छ ।
यसको प्रथम चौमासिकमा नाफा चार दशमलब शुन्य छ खर्ब वोन रहेको थियो । यस अघि अर्थविद्हरुले सामसङको औषत नाफा छ दशमलब सात खर्ब वोन पुग्ने विश्लेषण गरेका थिए । एक वर्ष अघिसामसङका इलोक्ट्रोनिक्स सामाग्रीको बिक्रि सात दशमलब पाँच प्रतिशत अर्थात एकाउन्न खर्ब पुग्ने प्रक्षेपण गरिएको थियो । कम्पनीले यो महिनाको अन्त्यमा नाफाको विस्तृत विवरण सार्वजानिक गर्ने तयारीमा रहेको छ ।
सामसङको नाफा अप्रत्यासित रुपले वृद्धि हुने प्रक्षेपण कम्पनीले सार्वजानिक गरेपछि त्यसको सकरात्मक प्रभाव सोलको शेयर बजारमा परेको छ । सोलको शेयर बजार आठ दशमलब छ नौ प्रतिशत अर्थात बाह्र लाख एकाउन हजार वोनमा पुगेपछि शेयर कारोबार बन्द भएको छ ।
यसैबीच अप्रत्यासित नाफा हुने प्रक्षेपण गरेको सामसङले एप्पलको आइफोन एस सिक्स कोरियामा आउनु अघि नै आफ्नो नयाँ मोबाइल उत्पादनको मुल्य घटाउने घोषणा गरेको छ । ग्यालेक्सी एस सिक्स र एस सिक्स एज मोबाइल फोनको मुल्य घटाउने घोषणा सामसङको छ ।
नयाँ मुल्य अनुसार बत्तिस गिगाबाइटको ग्यालेक्सी एस सिक्सको मुल्य सात लाख उनासी हजार नौ सय वोन रहेको छ । यस अघि यसको मुल्य आठ लाख अन्ठाउन्न हजार वोन रहेको थियो । त्यस्तै चौसठ्ठी गिगा बाइटको मुल्य पनि नौ लाख तेइस हजारबाट सात लाख उनान्सय हजार सात सय वोनमा झरेको छ ।
Loading...
Social Buttons