Loading...
संविधानसभाले लोकतान्त्रिक गणतन्त्र नेपालको संविधान पारित गरेलगतै पूर्वराजा ज्ञानेन्द्र शाहले आफु निकटका केही ब्यक्तिसँग बुधबार राति गोप्य भेटघाट गरेका छन् । नयाँ संविधानमा कुनै न कुनै प्रकारको भूमिका पाउने आशा गरेका पूर्वराजा संविधानसभाबाट नयाँ संविधान जारी भएपछि निराश बनेका छन् ।नयाँ संविधानले राजसंस्थालाई विधिवतरुपमा अन्त्य गरेपछि पूर्वराजाले आफु निकटका ब्यक्तिहरुसँग छलफल गरेका हुन् । निर्मल निवासमा भएको भेटमा दर्जनभन्दा बढि पूर्व राजाबादीहरुको सहभागिता थियो । तर राजसंस्थाको वकालत गर्दै आएका राप्रपा नेपालका अध्यक्ष कमल थापा भने सहभागि थिएनन् ।दुई महिनाअघि भारतीय गृहमन्त्री राजनाथ र चिनिया कम्यूनिष्ट पार्टीका विदेश विभागका उपमन्त्रीसँग थाइल्याण्डमा भेटेका पूर्वराजा कुनै न कुनै प्रकारको राजसंस्था फर्किनेमा आशाबादी थिएँ । तर नयाँ संविधानले राजसंस्थालाई पूर्ण अस्वीकार गरेपछि उनी निराश भएका छन् ।पूर्वराजाले बोलाएको बैठकमा पूर्व शाही पाश्र्वती टीका धमला, नेपाली सेनाका पूर्वप्रधानसेनापति रुक्माङगत कटुवाल पनि सहभागि थिए । बैठकमा संबैधानिक राजसंस्थालाई पुर्नजीवित गर्न भारतले सहयोग गर्ने बचन दिएपनि राप्रपा नेपालले राम्रो भूमिका नखेलेको निस्कर्ष बैठकले निकालेको स्रोतले जनाएको छ । तर राप्रपा नेपालले भने संबैधानिक राजसंस्थाको माग गर्दै संशोधन प्रस्ताव दर्ता गराएको थियो । संविधानसभाको बहुमत सदस्यबाट राजसंस्थाको प्रस्ताव अस्वीकृत भएको थियो ।पूर्वराजा ज्ञानेन्द्र आफु र छोरा पारसभन्दा नाति हृदयन्द्रलाई संबैधानिक राजा बनाउन केही महिनादेखि दौडधुुप गरिहेका थिए । तर उनको दौडधुपले कुनै नतिजा निकाल्न सकेन ।
Loading...
Social Buttons