दाङमा बाढीले बगायो हायस, यात्रुको रुवाबास

साउन ७ । अबिरल बर्षाका कारण आएको बाढीले दाङमा एउटा यात्रु बोकेको हायसलाई बगाएको छ ।

तुलसीपुरबाट अर्घाखाँचीका लागि छुटेको बा ३ ख ४४५१ नम्वरको हायसलाई स्थानीय ग्वारखोलाको बाढीले बगाएको हो ।

आज बिहान करिब ६ बजेतिर अर्घाखाँचीका लागि छुटेको उक्त हायसलाई ग्वारखोलामा आएको बाढीले बगाएको अम्विेकेश्वरी सार्वजनिक राप्ती यातायात समितिका कर्मचारी प्रविन केसीले बताएका छन् ।

यात्रु बोकेको हायसलाई खोलाले बगाएपछि यात्रुहरुलाई स्थानीय बासिन्दाले सकुशल उद्धार गरेका थिए । हायसलाई खोलाले बगाएपछि यात्रुहरुलाई अर्को बसमा गन्तब्यमा पठाइएको समितिले जनाएको छ ।

बाढीले हायस बगाउँदा यात्रुहरुले रुवाबासी गर्दै हारगुहार गरेपछि स्थानीय बासिन्दाहरु हत्तनपत्त गएर उनीहरुलाई उद्धार गरेका हुन् ।

Dropdown Menu