नेत्र विक्रम चन्द ‘विप्लव’ माओवादीका कार्यकर्ताहरुले गरे एनसेलको टावरमा आगजनी

गोरखा, २९ जेठ । नेत्र विक्रम चन्द ‘विप्लव’ माओवादीका कार्यकर्ताहरुले गोरखामा एनसेलको फोन टावरमा आगजनी गरेका छन् । गोरखाको अश्र्राङ गाविस–७ स्थित ठामडाँडामा रहेको एनसेलको मोबाइल टावरमा तीनजना विप्लव माओवादी कार्यकर्ताले आगजनी गरेको प्रहरीले जनाएको छ ।

उनीहरुले जेनेरेटरमा पेट्रोल छर्केर टावरमा आगजनी गरेको बताएको छ । मिनरल वाटारको बोत्तलमा ल्याएको पेट्रोल छर्केर टावरमा आगो लगाएको प्रहरी बताएको छ । आगोलगाए लगत्तै उनीहरुले प्रचा छाडेर हिँडेको बताईएको छ ।

प्रचामा नेकपा माओवादी जिन्दाबाद लेखिएको प्रहरीले जनाएको छ । नेकपा माओवादी गोरखाका सेक्रेटेरी कृष्ण वाग्ले ‘रुपेश’ ले गोरखाका विभिन्न स्थानमा रहेका टावरमा आफ्ना कार्यकर्ताले आक्रमण गरेको जनाउँदै यसको विवरण केही बेलुकासम्म आइपुग्ने बताएका छन् । उनीहरुले एनसेलले नतिरेसम्म भौतिक आक्रमण जारी राख्ने जनाएका छन् । – लाईटनेपालबाट ।

Dropdown Menu