Loading...
काठमाडौं, ३१ जेठ । माओवादी युद्ध सुरू भएपछि आस्थाका आधारमा हत्या, बेपत्ता, दमन र यातना दिने कार्य भएको भन्दै तत्कालीन सरकार प्रमुखमाथि छानबिन र कारबाहीको मागसहित आइतबार सत्य निरुपण तथा मेलमिलाप आयोगमा उजुरी दर्ता भएको छ ।
नेपाली सेनाको भैरवनाथ गणमा बन्दी बनाइएका माओवादी केन्द्रका केन्द्रीय सदस्य कृष्ण केसीले उजुरी दिएका हुन् । उजुरीमा २०५२ सालदेखि २०६३ सालअघि सत्तामा रहेका पूर्वराजा ज्ञानेन्द्र शाह, तत्कालीन प्रधानमन्त्री शेरबहादुर देउवा, लोकेन्द्रवबहादुर चन्द, सूर्यबहादुर थापा, कृष्णप्रसाद भट्टराई र गिरिजाप्रसाद कोइरालाको अवधिमा भएका गैरन्यायिक हत्या, यातना एवं बेपत्ता घटनालाई छानबिनको दायरामा ल्याउन आयोग समक्ष माग गरिएको छ ।
युद्ध अबधिमा गैरन्यायिक हत्या, अमानवीय यातनालगायत घटनामा संलग्न अरु जिम्मेवार व्यक्तिको खोजबिन गरी कारबाही चलाउनसमेत केसीको माग रहेको अन्नपूर्ण पोष्ट दैनिकमा समाचार छ ।
-
Loading...
Social Buttons