Loading...
ने
पालगञ्ज, २१ वैशाख । नेकपा एमालेका एक जना जिल्लास्तरीय नेताको अचानक निधन भएको छ ।
जिल्ला प्रहरी कार्यालय बाँकेका अनुसार बाँकेको खासकुश्मा–२ कुसुम घर भएका एमाले नेता भेदलाल ओलीको पूर्वपश्चिम राजमार्गको कचनापुर–१ अगैयामा सोमबार राति ८ बजे मोटरसाइकल दुर्घटनामा परी ज्यान गएको हो
समाजसेवामा खटिने खासकुश्मा गाविसका पूर्व अध्यक्ष ओली अहिले एमाले बाँकेका जिल्ला कार्यसमिति सदस्य थिए । एमाले बाँकेका अध्यक्ष अशोक कोइरालाका अनुसार नेता ओलीको निधनले एमाले बाँके र खासकुश्मा गाउँ पुरै शोकमा डुबेको छ ।
यसरी भयो घटनाः
ओलीले चलाएको भे ६ प ८२७ नम्बरको मोटरसाइकल विग्रिएर सडकमा रोकिएको लु १ ख ६८९३ नम्बरको ट्रकमा ठोक्किदा घटना भएको प्रहरीको भनाई छ ।
दुर्घटनामा गम्भीर घाइते भएका ५३ वर्षीय ओलीलाई उपचारका लागि नेपालगन्ज मेडिकल कलेज शिक्षण अस्पताल कोहलपुरमा पुगाउदा चिकित्सकले मृत घोषित गरेका थिए ।
dainiknepal
Loading...
Social Buttons