डब्लुटिओको बैठकमा आपूर्तिमन्त्री पुनले भने ‘हामी नाकाबन्दीमा परेका छौं, संगठनको नियम कता छ ?’

काठमाण्डु, ४ पुस– नेपालले भारतले तीन महिनायता लगाएको नाकाबन्दीका कारण व्यापार, पारवहन तथा यातायातका क्षेत्रमा दक्षिणी सिमानामा भोग्नुपरिरहेको समस्या विश्व व्यापार संगठन(डब्लूटीओ) का सदस्य मुलुकलाई जानकारी गराएको छ । केन्याको नैरोबीमा आयोजित डब्लूटीओको दसौँ मन्त्रीस्तरीय बैठकमा वाणिज्य तथा आपूर्तिमन्त्री गणेशमान पुनले भारतीय नाकाबन्दीका कारण मानवीय संकट उत्पन्न हुन लागेको बताएका हुन् ।

भारतले तीन महिनायता नाकाबन्दी लादेसँगै पारवहन प्रभावित हुन गएका कारण नेपालको तेस्रो देशसँगको व्यापार पनि पूर्ण रूपमा प्रभावित भएको छ । जेनेभास्थित नेपाली स्थायी नियोगद्वारा जारी प्रेस वक्तव्यमा जनाएअनुसार मन्त्री पुनले बैठकमा नेपालले विगत केही समयदेखि व्यापार र पारवहनका क्षेत्रमा दक्षिण सिमानामा समस्या भोग्नुपरेको उल्लेख गरेका थिए ।

अन्नपूर्ण पोस्ट्बाट

Dropdown Menu