झापामा रहेका याैनकर्मी युवतीहरूकाे कहाली लाग्दाे ब्यथा : दिनमा एक पटक प्रहरीकै अाेछयान तताउनुपर्छ

झापा । ‘त्यही प्रहरी आएर हामीसँग यौन सम्पर्क गर्छ, त्यही प्रहरीले समाएर लान्ट अनि कुरो मिलेपछि त्यही प्रहरीले छाडिदिन्छ,’ एक युवतीले आफ्नो पीडा टुंग्यानउ नपाउँदै अर्कीले भनिन्, ‘थाकेका हुन्छौं, गलेका हुन्छौं तर प्रहरीले चाहेको बेलामा उनीहरुकेा ओछ्यान तताएनौ भने पक्राउ गर्छन् । हामी धेरै प्रहरीबाटै शोषणमा परेका छौं ।’

बिर्तामोडस्थित एक होटलमा यौन व्यवसाय गरिरहेकी युवतीले यसरी सामूहिक पीडा सुनाउँदा अनुहारमा निकै पीडा थियो । पेट पाल्न शरीर बेच्न बाध्य भएका उनीहरु प्रहरीबाट थप पीडित बन्नुपरेको व्यथा पोखिरहेका थिए ।

इलाका प्रहरी कार्यालय बिर्तामोडका प्रहरीले आफूहरुप्रति यौन हिंसा र जबर्जस्ती गर्ने गरेको व्यथा सुनाउँदै देह व्यापारमा संलग्न चार युवतीले एकै साथ भने, हामी हाम्रो इज्जत बेचेरै पैसा कमाउँदै छौं, हामीलाई प्रहरीले हरेक दिनजसो धम्काएर शारीरिक सम्पर्क गर्न त मिल्दैन नि !’ आजको राजधानी दैनिकमा खबर छ ।

Dropdown Menu