Loading...
काठमाडौं । नेपाली कांग्रेसका नवनिर्वाचित केन्द्रीय सदस्य एबं कांग्रेस भित्र शक्तिशाली नेता खुमबहादुर खड्काले बुधबार हिन्दू राष्ट्रबारे नयाँ घोषणा गरेका छन् ।खुमबहादुर खड्काले बीबीसी नेपाली सेवालाई अन्तर्वार्ता दिदैँ नयाँ संविधान संशोधन गरेर नेपाललाई हिन्दू राष्ट्र बनाउने घोषणा गरेका हुन् । हिन्दू राष्ट्र बनाउन उनले निरन्तर आन्दोलनको नेतृत्व गर्दै आउनु भएको छ ।
अहिलेको संबिधान अनुसार नेपाल धर्मनिरपेक्ष राष्ट्र हो । जनताको चाहना विपरित नेपाललाई धर्मनिरपेक्ष बनाएर नेताहरुले हिन्दूहरुको अपमान गरेको भन्दै यसको बदला जनताले लिएरै छाड्ने खड्काले बताएका थिए ।
उनले भने( धर्मनिरपेक्षमा जनताको म्यान्डेड छैन् । जनताको मागमा जाऔं । हाम्रो पार्टि नेपाली कांग्रेसमा छलफल भएकै छैन् । जनमत संग्रहमा जाऔं । हिन्दूत्वको विषयमा ठूलो विवाद छ । जनमतबाट टुंगो लाउनुपर्छ । ९४ प्रतिशत हिन्दूहरु भएको देशमा धर्म निरपेक्षता लाद्नु भनेको हिन्दूहरुको अपमान हो । अब जनताले यसको हिसाबकिताब गर्छन् ।’
उनले हिन्दूराष्ट्रमा फर्काउने आफ्नो पहिलेदेखिको एजेण्डा भएको भन्दै यो एजेण्डालाई पार्टी केन्द्रीय समिति बैठकमा उठाउने र महासमितिबाट पास गराउने बताए । ‘पार्टीको केन्द्रीय कमिटिमा छलफल गराउने समेत बताएका छन् । यो एजेण्डा कांग्रेसबाट पास हुन्छ । त्यसपछि संविधान संशोधन गरेर नेपाललाई हिन्दूराष्ट्र घोषणा गर्नुपर्छ, हुन्छ ।
उनले आफू संघीयताको पक्षमा नरहेको स्पष्ट पार्दै पार्टीले स्वीकार गरेकाले बाध्य भएको समेत बताएका छन् । ‘संघीयतामा मेरो विमति छ । तर, पार्टीले स्वीकार गरेपछि चुप लागेको छु । आज संघीयताको कारणले देश कहाँ पुग्यो ।
लक्षणहरु अहिले के देखिएका छन्’ उनले प्रतिप्रश्न गरेका छन् । नेपाल गणतन्त्र हिन्दू राष्ट्र हुन्छ । राजसंस्थाका विषयमा भने केही बोलेनन् । आफु पहिले देखि गणतन्त्रबादी भएको पनि उनले प्रष्ट्याएका थिए ।
फरक प्रसंगमा उनले आफू भ्रष्टचारी भएको भन्दै सर्वोच्च मान राख्न सजाय पुरा गरेको बताए । ‘मेरो घर हेर्नुस् । दाङका हरेक मान्छेलाई सोध्नुस् । मेरो मुद्दामा अख्तियारले दाबी नगरेको कुरा न्ययाधिशले बोले ।
त्यो फैसला संविधान र ऐनकानुनको विपरित थियो । तर, सर्वोच्च मान राख्न सजाय काटेको हुँ । मलाई कसैले भनोस् खुमबहादुरले मेरो पैसा खायो भनेर । कोही छ माइकालाल रु’ उनले रन्किदै भने ।
Loading...
Social Buttons