सुशीलको मृत्युबारे कुरा उठेपछि कांग्रेस बैठकमा भाँडभैलो !!!

काठमाण्डु, ११ फागुन– नेपाली कांग्रेसका सभापति सुशील कोइरालाको निधन भएको दुई सातापछि मात्र कांग्रेसका नेताहरुले उनको मृत्युको कारण खोज्न थालेका छन् ।

मंगलबार बसेको पार्टीको केन्द्रीय कार्य समितिको बैठकमा केन्द्रीय सदस्यहरुले सभापति कोइरालाको निधनमा पार्टी नेतृत्व र सरकार मौन रहेको भन्दै उनको निधन कसरी भयो भन्ने बारेमा स्पष्टिकरण दिन माग गरेका छन् ।

केन्द्रीय सदस्य सूर्यमान गुरुङले दुई घण्टा अघिसम्म राम्ररी कुरा गरेका सभापतिको दुई घण्टापछि नै निधनको खबर आएकाले त्यसबारे आम जनतालाई जवाफ दिनुपर्ने बताए ।

‘दोहोरो कुरा गरेको व्यक्ति दुई घण्टा पछि निधनको खबर आउनु रहस्यमय हो ।’ गुरुङको भनाई उध्रित गर्दै एक नेताले भने ‘पार्टीको सभापति र देशको पूर्वप्रधानमन्त्रीको अप्रत्यासित निधनबारे पार्टी र राज्यले जवाफ दिनुपर्छ ।’

उनले पूर्व प्रधानमन्त्री र पार्टी सभापतिजस्तो व्यक्ति बिरामी हुँदा किन उपचारका लागि अस्पताल नलगिएको भन्दै प्रश्न पनि गरेका थिए ।
गुरुङको भनाइमा अन्य सदस्यले पनि समर्थन जनाएका थिए ।

केन्द्रीय सदस्य शेखर कोइरालाले सबै प्रश्नको जवाफ केन्द्रीय समितिले दिन नसक्ने उल्लेख गर्दै पार्टीको पदाधिकारी बैठकले यो विषयमा जवाफ दिने बताए ।

उनले सभापति कोइरालाको निधनको प्रसंग केन्द्रीय कार्यसमितिको बैठकको एजेण्डा नभएको बताएका थिए ।

Dropdown Menu