Loading...
कार्तिक २०, २०७२- वृत्तचित्र खिच्ने उद्देश्यसहित नेपाल आएका इंल्याण्डका चर्चित फुटबलर डेभिड बेकह्यामले भक्तपुरका बालबालिकाहरुसँग फुटबल खेलेका छन् । भक्तपुरका पद्म उच्च माध्यमिक विद्यालयमा अध्ययनरत बालबालिकाहरुसँग पाँचतले मन्दिर परिसरमा उनले फुटबल खेलेका हुन् ।
निलो र रातो टिम बनाएर बेकह्यामले करिब १० मिनेट फुटबल खेलेका थिए ।
फुटबल खेल्नु अघि उनले विद्यालय परिसरमा विद्यार्थीहरुसँग केहीबेर टेबलर टेनिस खेलेका थिए ।
यूनिसेफको बालिका शसक्तिकरणको लागि फुटबल भन्ने कार्यक्रमअन्तर्गत बेकह्याम नेपाल आएका हुन् ।
१० : ५५ मा त्रिभुवन विमानस्थल ओर्लिएका बेकह्याम माइक्रोमा सोझैं भक्तपुरको सल्लाघारी पुगेका थिए । सल्लाघारी उनी सफा टेम्पो चढेर पद्म उच्च मावि पुगेका थिए ।
उनलाई हेर्न भक्तपुरमा सर्वसाधारणको भीड लागेका थियो । उनले त्यस वरपरका भूकम्प प्रभावित क्षेत्रको समेत भ्रमण गरेका थिए ।
बेकह्याम पपुवा न्यूगिनीबाट नेपाल आएका हुन् । उनी भोलि अर्जेन्टिना जाँदैछन् । यूनिसेफको पहलमा उनले सात महाद्वीपका ७ देशमा फुटबल खेल्दैछन् ।
Loading...
Social Buttons