अन्तर्वार्तामा सुजाताः ओली सरकारलाई साथ नदिएर कांग्रेसले देशको भविश्य बिगार्यो

काठमाडौं, १७ जेठ– कांग्रेस नेतृ सजाता कोइरालाले केपी ओली नेतृत्वको सरकारले विकासका लागि गरेको हिम्मतमा कांग्रेसले साथ दिनु पर्ने वताउनु भएको छ । इमेज च्यानलको ‘अलगधार’ कार्यक्रमका लागि दिइएको अन्तरवार्तामा कोइरालाले ओलीलाई असहयोग गरेर कांग्रेसले भावी पुस्ताको भविश्यलाई बिगार्ने काम गरेको वताउनुभएको छ ।

‘रेल ल्याउने कुरा पनि सत्य हो, सरकारले बजेटमै छुट्याइएको छ । त्यो पोखरा हुँदै लुम्बिनी जान्छ । के हामीले त्यसलाई खराव भन्ने ? भारतले पनि गर्दैछ, लखनौमा पनि बजेट छुट्याएको छ । म भर्खर लखनौमा गएर त्यहाँको नेताहरुलाई भेटेर आउँदैछु । युपीबाट ट्रेन आउँछ लुम्बिनीसम्म । चाइनाबाट टे«न आउँछ लुम्बिनीसम्म । के यो नेपालका लागि नराम्रो हो ?’ कोइरालाको भनाई छ, ‘यो योजनाले अब आउने पुस्ताको भविश्य राम्रो बनाएको छ, त्यसलाई हामीहरु नेपाली कांग्रेसले बिगार्ने ? प्रधानमन्त्रीले मुलुक बनाउने त्यत्रो आँट गर्नु भएको छ त्यसलाई साथ नदिने ?’

सरकारले भारतको युपी र चीनबाट लुम्बिनीसम्म रेल ल्याउने योजना बनाएर बजेट समेत छुट्याएको छ, भावी पुस्ताको भविश्य कांग्रेसले बिगार्ने ?

बीपी र गिरिजाबाबुले भनेको जस्तै आर्थिक विकासको काम गर्ने त्यत्रो आँट गर्ने केपी ओलीलाई कांग्रेसले साथ नदिने ?

आफ्नो पार्टीमा गुटबन्दी गर्ने पावरमा पुग्न सरकार ढाल्ने प्रतिपक्षको सही काम हो ? राम्रो कामलाई सहयोग गर्नु पर्दैन ?

कसको सल्लाहमा सरकार ढाल्ने असफल प्रयास गरेका हुन् ? मैले त्यस्तो नगर भन्द्या थिएँ साथीहरुलाई ।

ओली सरकारलाई सहयोग गर्नु पर्ने आफ्नो विचारका पक्षमा जिल्ला जिल्लाबाट कांग्रेसका कार्यकर्ताले फोन गरेर बधाई दिएको कोइरालाले वताउनु भएको छ । ‘ग्यासको उत्खनन् गर्छु, पाइपलाइनमा ग्यास दिन्छु भन्दा नराम्रो भन्ने ? हामीले पेट्रोलियम पदार्थ कति छ भनेर उत्खनन् गर्दा त्यसलाई नराम्रो भन्ने ? यस्ता राम्रा कुरालाई त हामीले वेलकम गर्नुपर्छ’ कोइरालाले भन्नु भयो, ‘म भर्खर पार्लियामेन्टबाट फर्केको छु, नेपाली कांग्रेसका साथीहरुले गाउँ गाउँबाट फोन गरेर मलाई बधाई भन्नु भएको छ । तपाईंले सही कुरा गर्नु भएको छ सुजाताजी, नेपाली कांग्रेस मेलमिलाप सहमति र सहकार्यको बाटोमा अघि बढ्नु पर्छ भन्नु भएको छ ।’
देशको विकास युवाहरुको भविश्य बनाउन कांग्रेसले ओली नेतृत्वको सरकारलाई कांग्रेसले साथ दिनु पर्ने कोइरालाको विचार छ । ‘देशको विकास गर्नु पर्छ, मुलुकलाई अघि बढाउनु पर्छ । अव के युवाहरुको भविश्य बनाउनु परेन ?’ कोइरालाले भन्नु भयो, ‘मैले बारबार भनिराखेको छु, नेपाली कांग्रेसले यो सरकारलाई साथ दिनु पर्यो ।’

बीपी र गिरिजाप्रसाद कोइरालाले पनि लोकतन्त्रलाई बलियो बनाउन आर्थिक विकास गर्नु पर्ने कुरा गरेको वताउँदै नेतृ कोइरालाले ओली नेतृत्वको सरकारलाई उसको अवधीसम्म काम गर्न दिनु पर्ने वताउनु भयो । ‘एउटा प्रधानमन्त्रीलाई उसको अवधीसम्म चलाउन दिनु पर्छ । जुन विकास सरकारले गर्न खोजिरहेको छ त्यसमा बाधा हुन्छ । बीपी र गिरिजाबाबुले पनि आर्थिक उन्नतीले मात्रै लोकतन्त्र सस्टेन हुन्छ भन्नुहुन्थ्यो । गिरिजाबाबुलाई लोकतन्त्र आएपछि के गर्ने गिरिजाबाबु भन्दा उहाँले साथीहरु पनि कस्तो कुरा नबुझ्ने त्यसपछि त आर्थिक विकास गर्नु पर्छ भन्नुहुन्थ्यो’ कोइरालाको भनाई थियो ।

प्रधानमन्त्री ओलीले विकासको योजना अघि बढाउँदा त्यसलाई मजाकका रुपमा नलिन पनि कोइरालाले आग्रह गर्नु भएको छ । ‘ओलीजीको मजाक गरिरहेका छन्् हाँसिरहेका छन् । म के भन्छु भने उहाँले जुन कुरा गर्नु भएको छ । उहाँको कुरामा सत्यता छ । नेपालमा ग्यासको धेरै सम्भावना छ । मोरङमा पेट्रोलको भण्डार छ । यो भन्दा अगाडि हामी राजनीतिक स्वतन्त्रताका लागि लड्भिड् गर्यौं अव राम्रो मौका आएको छ विकास गर्ने, ओलीजीले भनेका कुरा एकदमै ठीक छन्’ कोइरालाको भनाई छ ।

उहाँले सरकार परिवर्तन गर्न लागेर कांग्रेसले गलत काम गरेको पनि वताउनु भएको छ । ‘सरकार परिवर्तन गर्न लागेर कांग्रेसले गलत गर्यो । कता सल्लाह लिएर गरेको हो, हामीसित त सल्लाह लिएको पनि छैन । मैले त नगरौं यस्तो काम भनेर साथीभाइलाई भन्या हो’ कोइरालाको भनाई छ, ‘प्रतिपक्षको भूमिका सही हुनुपर्छ, सहीलाई सही भन्ने गलतलाई गलत भन्ने । सही कामलाई साथ दिनु पर्छ, आफ्नो संगठनलाई बलियो बनाउनु पर्छ । आफू संगठन नबनाउने, पावरमा आउन सरकार ढाल्छु भनेर हुन्छ ? त्यस्तो गर्न मिल्छ ?’

अन्तर्वार्ताको भिडियो हेर्नुहोस्:

Dropdown Menu