प्रेम प्रस्ताव अस्वीकार गरेपछि सार्कीले युवतीको छातिमै छुरा रोपे !!!

उदयपुर, ५ फागुन । प्रेम प्रस्ताव अस्वीकार गरेको झोकमा एक युवकले युवतीमाथी छुरा प्रहार गरेका छन् । राति सुतेको बेला उनको कोठामा प्रवेश गरी उदयपुर भुटार गाविस–८ बस्ने १६ वर्षीय पूर्णबहादुर सार्की छुरा प्रहार गरेको जिल्ला प्रहरी कार्यालयले जनाएको छ । लामो समयदेखि प्रेम प्रस्ताव राख्दै आए पनि युवतीले नमानेको सार्कीले छुरा प्रहार गरेका हुन् । छुरा प्रहारबाट उदयपुर पञ्चावती गाविस–४ बोहोरी बोट बस्ने १७ वर्षीया फूलकुमारी मगर र अर्का १४ वर्षीया गीता राना मगर घाइते भएका छन् ।

राति ११ बजे मगरद्वय घरको कोठामा सुतिरहेको बेला सार्कीले घरको झ्याल खोलेर प्रवेश गरी फूलकुमीलाई टाउकामा र छातीमा छुरा प्रहार गरी फरार रहेको प्रहरीले बताएको छ । मगरसँगै सुतिरहेकी उनकी भतिजी गीताले कराएर गुहार गर्दा उनलाई पनि सार्कीले छातीमा छुरा प्रहार गरेर घाइते बनाएका छन् । सार्की पञ्चावतीस्थित खरिबोटमा एक स्थानीयवासीको घरमा डेरा लिएर स्थानीय विद्यालयमा कक्षा १० मा अध्ययन गर्दै आएका विद्यार्थी हुन् ।

फूलकुमारीलाई एक वर्षदेखि सार्कीले प्रेम प्रस्ताव राखेर बारम्बार प्रेमपत्र लेख्दै आएको र धेरै पत्र भेटिएको प्रहरीले बताएको छ । सख्त घाइते फूलकुमारीको अवस्था गम्भीर रहेकाले उपचारका लागि धरानस्थित बिपी मेमोरियल अस्पताल उपचार भइरहेको छ !!

Dropdown Menu