Loading...
काठमाण्डु, २२ माघ– उमेर पुगेपछि विवाह गर्नु स्वभाविक हो तर नेपाली नायिकाहरूले श्रीमानका रूपमा रोजेका अधिकांश पुरुष धनाढ्यका साथै गैरआवासीय नेपाली हुनु भने संयोग मात्र होइन । पछिल्ला केही वर्षयता अधिकांशले विदेशमा व्यवसाय गरेर बसिरहेका पुरुषलाई श्रीमान् बनाउने परम्परा बढिरहेको छ । यी नेपाली नायिकाहरूले धनाढ्य र गैरआवासीय श्रीमान् रोजेका छन्ः
अभिनेत्री करिश्मा मानन्धरले श्रीमान् विनोद मानन्धरलाई पहिलो पटक बेलायतमा भेटेकी हुन् । बेलायतमा व्यवसायीका रूपमा सक्रिय विनोद मानन्धरले बेलायतमै चलचित्र ‘कस्तूरी’ को छायांकन गर्ने निर्णय गरे । उक्त चलचित्रकी थिइन्–करिश्मा केसी । वैवाहिक जीवनको दुई दशक पूरा भैसक्दा करिश्मा र विनोद काठमाण्डुमै स्थायी बसोबास गरिरहेका छन् । करिश्माले विनोदलाई श्रीमान् बनाउने निर्णय गर्दा विनोद गैरआवासीय नेपालीका रूपमा चिनिन्थे ।
त्यस्तै, चलचित्र ‘झोला’ बाट लोकप्रियताको शिखर चुम्न सफल अभिनेत्री गरिमा पन्तले भने अलि पृथक शैलीमा विवाह गरिन् । लामो समयदेखि स्वदेशमा नरहेकी गरिमाले दुई साताअघि मात्र बेल्जियममा रेस्टुँरा व्यवसाय गरेर बसिरहेका हरि शर्मा थपलियासँग विवाह गरेको सार्वजनिक भयो ।
नायिका तथा मोडल सिम्पल खनालले पनि विदेशमै बसोबास गर्ने व्यक्तिलाई श्रीमान् बनाएकी छिन् । सिम्पलका श्रीमान नदिन भारतीय मूलका व्यवसायी हुन् जो बेलायतमा बसोबास गर्छन् ।
केही महिनाअघि नायिका तथा मोडल रीमा विश्वकर्माले पनि विवाह गरिन् । रीमाले पनि श्रीमान्का रूपमा एनआरएनलाई नै रोजिन् । बेलायतमा बसोबास गर्ने रोबर्ट ल्वागुनलाई रीमाले जीवनसाथीका रूपमा रोजेकी हुन् ।
केही वर्षअघि नायिकारेजिना उप्रेतीले बेलायतमा चिनजान भएका सुरज पोखरेलसँग लगनगाँठो कसिन् । हर्षिकाले भारतीय व्यवसायी प्रसुन झुन्झुनवालासँग लगनगाँठो कसिन् । प्रसुन कोलकताका स्थायी वासिन्दा हुन् ।
पुराना नायिकाहरूमध्ये बिपना थापाले पनि भारतीय युवक आशुतोष भारद्वाजलाई श्रीमान् बनाएकी छिन् । कृष्टि मैनाली पनि विवाह गरेर अमेरिकामै छिन् । जल शाहले अमेरिकामा बसोबास गर्ने शरदकुमार रिमालसँग लगनगाँठो कसेकी हुन् । सारंगा श्रेष्ठले विदेशी नागरिकसँग वैवाहिक जीवन प्रारम्भ गर्दै अमेरिकाको यात्रा तय गरेकी थिइन् । युना उप्रेती पनि अमेरिकामै बसोबास गर्ने नेपाली युवासँग विवाह गरेर उतै बसोबास गरिरहेकी छिन् ।
सुरज चन्दसँग डिभोर्स गरेर अमेरिका पुगेकी पूजा चन्दले त्यहाँ अर्का नेपालीसँग विवाह गरेकी छिन् । त्यस्तै, पूर्व मिस नेपाल तथा नायिका झरना बज्राचार्य पनि भारतीय मूलका मलेसियाली व्यापारी राहुल अग्रवालसँग वैवाहिक जीवन बिताइरहेकी छिन् । साप्ताहिकबाट
Loading...
Social Buttons