Loading...
याँदिल्ली: भारतको तमिलनाडु राज्यमा तीनवटा कन्टेनरमा ५ अर्ब ७० करोड भारतीय रुपैयाँ भेटिएको छ । १६ मेमा हुन लागेको विधानसभा चुनाव अगाडि प्रहरी अर्बौं रकम तीनवटा कन्टेनरमा फेला पारेको हो ।
तमिलनाडुको तिरुपुर जिल्लामा शनिवार निर्वाचन आयोगको टीमले तीन कन्टेनरमा करिब पाँच अर्ब ७० करोड रुपैयाँ नगद बरामद गरेको हो ।
समाचार अनुसार यो रकम विधानसभा चुनावका क्रममा प्रयोग गर्ने तयारी भएको थियो । तर निर्वाचन आयोगका तर्फबाट यसबारेमा अहिलेसम्म आधिकारिक धारणा बाहिर ल्याइएको छैन ।
जानकारी अनुसार शनिवार तडके निर्वाचन आयोगको विशेष टीमले तिरुपुर जिल्लास्थित चेङ्गापल्लीमा चेकजाँच गरिरहेको थियो ।
यस क्रममा ती तीनवटा कन्टेनर त्यहीँबाट जाँदैथिए । अधिकारीहरुले ती कन्टेनरलाई त्यहाँ रोकिन आदेश दिए ।
कन्टेनरका चालकहरुले रोकिनुको साटो तीब्र गतिमा भाग्ने कोशिस गरे । अधिकारी र प्रहरीको टीमले उनीहरुलाई पिछा गरेर निकै पर पुगेपछि पक्रन सफल भए ।
कन्टेनरका चालकहरुलाई निर्वचान आयोगका अधिकारीले नियन्त्रणमा लिएर सोधपुछ गरेका छन् । चालकहरुले यो रकम आन्ध्रप्रदेशबाट आफूहरुले ल्याएको बताएका थिए । उनीहरुले यो रकम एक बैंकको भएको जवाफ दिएका थिए ।
तर निर्वाचन अधिकारीहरुले यो रकमबारे कागजपत्र माग्दा चालकहरुले कुनै कागजात पेश गर्न सकेनन् । त्यसपछि तीनै कन्टेनरलाई नियन्त्रणमा लिइयो ।
समाचार अनुसार तमिलनाडुमा निर्वाचन आयोगले अहिलेसम्म एक सय करोड भारतीय रुपैयाँ जफत गरिसककेको छ ।
तमिलनाडुमा १६ मे मा विधानसभा चुनाव हुँदैछ । सन् २०११ मा एआईएडीएमकेकी जयललिता २३४ सिटमा १५० सिट जित्दै सत्तामा आएकी थिइन् ।
उनी अघिल्लो साल धेरै चर्चामा रहिन् । यहाँसम्म कि उनले कुर्सीमात्रै छाड्नुपरेन जेलको बास पनि बस्नुपर्यो ।
उनी जेलबाट छुटेर फेरि त्यहाँकी मूख्यमन्त्री बनिन् । यो पटक उनको भिडन्त करुणानिधिको पार्टी डीएमकेसँग भइरहेको छ। डीएमकेले अघिल्लो विधानसभा चुनावमा २३ सिटमै सीमित हुनुपरेको थियो ।
Loading...
Social Buttons