यो उथलपुथल हुँदै गरेको समाजको अटल नेपाली माया !

भाउजू सकुशल माइती पुग्नु भयो होला यहि कामाना नि गरे । खै कसरी सुरु गरौ यी पत्रको हरफ हरु…… अत्यन्त कहाली लाग्दा तपाईंको नेपाल बसाई कस्तो भयो कुन्नी ?? नेपाल जस्तो पुरुष प्रधान देशमा तपाईं जस्तो महिला लाई अधिकार सम्पन्न बनाइएको फिलिपिन्स बाट नेपालमा पाइला राख्नु भएपछि थाहा भयो होला । नेपाली महिला हरुको अवस्था के रहेछ नजर अन्दाज गर्नु नै भयो होला ? खै के भनौ भाउजू हाम्रो समाजै एस्तै छ देशको न्याय कानुन परिवर्तन हुनुपर्छ भनेर पटकपटक क्रान्ति आन्दोलन भै सके पटक पटक महिला अधिकारको लागि आन्दोलन भए रातारात च्याउ उम्रेसरी महिला मुक्तिको लागि हजारौं सस्था खडा भए ।

जसरी सस्था खडा भए त्यस्तै समस्या हरु झन खडा भए दैनिक जसो हत्या, बलात्कार, दाइजो नदेको झोकमा दैनिक जसो महिला हरु जलाइए छोरी मात्रै पाएको निहुँमा सैयौ लाई घरबार बिहिन बनाइए, बोक्सीको आरोपमा मुलमुत्र ख्वाइन्छ । एस्तै छ नेपालको महिला माथिको स्थिती यस्तो स्थितिमा तपाईंको पक्षमा बोली दिने कोहि भएनछन । हुनत तपाईं जस्तोको पक्षमा नेपालमा बोली दिने नै को हुन्छ र ?? तपाईं एउटा क्रिश्चियन देशको नागरिक क्रीस्चियन पनि पर्नु भयो होला ?? हामी पनि अधिकार यी बेथिति कुरिती अन्त्याको लडाइँमा नै छौ । अहिले हामीलाई र हाम्रो आन्दोलन लाई संसारको अगाडी बदनाम बनाउन जातिय आरोप लाईदैछ । खैर यी कुरा छोडौ तपाईंले त ससम्मान बिदा पाउदा नि अधिकार सहित बिदा पाउनुपर्ने हो । झन तपाईंलाई त इलिगल घोषणा गरेर तपाईंको देशको दुतावास खोजेर सात लाख जरिवानापो तिराईएछ । तपाईं एक महिने टुरिष्ट भिजामा आउनु भएछ तर एक महिना पछि यो मान्छे किन फर्केन के भयो भनेर सरकारले कहिले खोजी गरेन तपाईं माथी परेको अन्यायको पनि कुनै मुल्यांकन भएनछ ।

अर्काको देशको चेली ल्याएर बिजोग पार्ने कुपुत्र जिबन थापाको नि कुनै सोधिखोजी भएनछ ? नत कुनै जरुरी नै देख्यो त्यहा तपाईंको मानवीयताको कुनै कदर भएको पाइएन बरु उल्टै तपलाई बिदाई होईन देशबाट लखेटिएको छ। हाम्रो नेपालि समाजलाई अाधार मान्ने हो भने तपलाई नङ्ग्याईएको छ र सर्वस्व लुटिएको छ। यो घटनाले वास्तवमा हामी नेपालिलाई केहि हदसम्म भएपनि बेईज्जत अवस्य गरेको छ। एउटा हाम्रो नेपाली हरुको मनमा प्रश्न हरु जागिरहेको छ । एउटि महिला जो बर्षौ देखि शारीरिक मानसिक आर्थिक पीडा सहदै आएकी थिइन्

उनैलाई ओभर स्टे भए बापत ७/७ लाख जरिबाना?

त्यो पैसा उनले तिर्नु नपरे पनि मानसिक पीडा भयो कि भएन ?

समय परिस्थिति र संबेदनशीलता हेरेर त्यो पैसा छुट मिनाह दिनु पर्ने हो कि हैन ?

एक हिसाबले नेपाली नागरीक संग बिहा गरेर २/२ वटा बच्चा भए पछि उनी नेपाली नागरीक स्व सरह हो कि हैन?

तपाईं लाई जुन तरिकाले ससम्मान बिदा हुनुपर्ने नेपाली अङ्गकृत अधिकार पाउनुपर्ने, अङ्स, पासपोर्ट पाउनु पर्ने बेला तपाईं माथी जुन अपमान भएको छ ।

म र हामी भन्न चाहन्छौ

#Iam_sorry_Joya_bhauju

#we_are_sorry_Joya_bhauj…

यस्तै छ यहाको चलन यो चलनलाई तोडदै तपाईंको पक्षमा आवज हरु बुलन्द उठ्दैछन ।

आसा गरौ तपाईंले छिट्टै न्याय पाउनु हुने छ ।

उहीँ तपाईंको अपरिचित देवर

शान्ती राज राई “वाम्बुले”

नेपाल

साभारः लाइटनेपाल

काठमाडौं, १ भदौ । सर्वोच्च अदालतले अघिल्लो सरकारको निर्णयहरु नउल्ट्याउन दाहाल सरकारलाई आदेश दिएको छ ।

तत्कालिन प्रधानमन्त्री केपी शर्मा ओली नेतृत्वको सरकारले विभिन्न देशका लागि सिफारिस गरेका १४ राजदूतको नाम पुष्पकमल दाहाल नेतृत्वको पहिलो मन्त्रिपरिषद् बैठकले फिर्ता लिएपछि सर्वाेच्चले बुधबार यो निर्णय कार्यान्वयन नगर्न नयाँ सरकारलाई अन्तरिम आदेश दिएको हो ।

सिफारिसमा परेर पनि सुनुवाइ हुन नपाउँदै नयाँ सरकारले सिफारिस फिर्ता लिएपछि सिफारिस गरिएका राजदूतहरुले साउन ३१ गते सर्वाेच्चमा रिट निवेदन दायर गरेका थिए ।

रिटको सुनुवाईपछि प्रधानन्यायाधीश सुशीला कार्कीको एकल इजालसले १४ राजदूतको नाम अस्वीकार गर्ने सरकारको निर्णय कार्यान्वयन नगर्न सरकारलाई आदेश दिएको सर्वाेच्चका सहप्रवक्ता विश्वराज पौडेलले जानकारी दिए । उनका अनुसार सर्वोच्चले यो विषयमा सरकारसँग लिखित जवाफ समेत मागेको छ ।

ओली सरकारले सिफारिस गरेका २१ मध्ये परराष्ट्र सेवाका ७ जनाको संसदीय सुनुवाइ सम्पन्न भइसकेपनि राजनीतिक नियुक्तिका १४ जनाको सिफारिस प्रचण्ड सरकारले फिर्ता लिएपछि संसदीय सुनुवाइ समितिले उनीहरुको सुनुवाई नगरेरै घर पठाएको थियो ।

 -

इटहरी – हिन्दुराष्ट्र सगै राजसंस्थाको पूर्नस्थापनाको लागी भन्दै पूर्वी नेपालमा पछिल्लो केही महिना यता अर्धसैनिक युवा दस्ता प्रशिक्षण शुरु गरिएको छ । देशमा बढ्दो रुपमा रहेको भ्रष्टचारको अन्तय अनि हिन्दुराष्ट्रको जनमत संकलनको लागी भन्दै अहिले बृहत राष्ट्रवादी मोर्चा नाम गरेको समुहले युवाहरुलाई अर्धसैनिक प्रशिक्षण शुरु गरेको हो ।

मोर्चाले सुनसरी, मोरङ र झापामा युवाहरुलाई अर्धसैनिक रुपको तालिम तथा राजनितिक प्रशिक्षण दिदै आएको छ । जसमा युवा तथा पूर्व सुरक्षाकर्मीहरु सहभागी छन्Rajabade  (1) । प्रशिक्षणमा खैरो रङको पोसाक पनि तयार गरिएको छ । उनिहरुलाई अहिले बृहत राष्ट्रवादी मोर्चाका सिनेट श्रेष्ठ र योगेन्द्र खनालले प्रशिक्षण दिइरहेका छन् ।

श्रेष्ठ विगत छ महिनादेखि आफ्नो पुख्र्यौली सुुनसरीको जिरायतमा रहेर प्रशिक्षण दिइरहेका छन् । सिनेट पूर्वमन्त्री दिलबहादुर श्रेष्ठका छोरा हुन् । श्रेष्ठ लामो समयसम्म काठमाडौ, थाईल्याण्ड, लण्डन र इन्डोनेसिया बसेका उनी एकाएक ६ महिना अघि मात्रै इनरुवा आएर प्रशिक्षणलाई तिब्रता दिइरहेका छन् ।

योगेन्द्र खनाल भने झापाका पूर्व राप्रपा नेपालका नेता हुन् । हिन्दुराष्ट्रको बिषयमा राप्रपा नेपालले जिम्मेबारी भुमिका खेल्न नसकेको भन्दै खनाल राप्रपा नेपालबाट बाहिरीएर मोर्चा अभियानमा लागेका व्यक्ति हुन । दुवै अहिले पूर्वबाट हिन्दुराष्ट्र पूर्नस्थापनाको अभियानको शुरुवात गरेर ७५ जिल्ला र विदेशमा रहेका राजाबादी, धर्मबादीहरुसँग सम्बन्ध स्थापित गर्दै संगठन बिस्तारमा ब्यस्त छन् ।

सिनेट श्रेष्ठ भन्छन् ‘हामीसँग नेपाली सेना, नेपाल प्रहरी र माओवादी आन्दोलनमा योगदान गरिसकेका जुझारु युवाहरु छन् । उनीहरुलाई हामी प्रशिक्षण गरिरहेका छौं ।’

हामी आन्दोलन गर्दैनौ । आन्दोलनले परिवर्तन ल्याउन सक्दैनौ किनकी हामीले दलले गरेको धेरै आन्दोलन देखिसकेका छौ । त्यसैले हामीले क्रान्ति गर्छौ श्रेष्ठ भने जनतालाई संगठित गरेर सुनसरी जिल्लाबाट क्रान्तिको विगुल फुक्छौ । क्रान्तिको अन्तिम रुप हतियार सहितको आन्दोलन हो । आवश्यक परे त्यसको लागि हामी पछि पर्दैनौ ।’

अहिले जिरायतमा बसेर युवाहरुले गरिरहेको तालिमलाई उनी प्रतिरक्षाको लागि भएको दावी गर्छन । सिटेन थप्छन,‘ हामीले राष्ट्रकोलागि मर्नु परे पनि मर्न तयार छौ भनेर उद्घोष गरिसकेका छौ । बाध्य भए सशस्त्र आन्दोलनकोलागि पनि पछि पर्दैनौ ।’

मोर्चाका अर्के अभियान्ता योगेन्द्र खनालले अभियान सिर्फ हिन्दुराज्यको पक्षमा जनलहर बटुल्न भएको बताउँछन् । ‘अब यो देश हिन्दुराज्य पक्षमा उभिनु पर्छ,’ उनले भने, ‘त्यस कारण यो क्रान्तिका लागि प्रशिक्षण आबश्यक छ ।’